- 636 - super Vos omnes et maneat semper. Datum Romae, in aedibus Curiae Generalis, ad viam Corsica 1, die 3 Octobris A. D. 1968. + Ceslaus Sipovic M.I.C. Eppus tit. Mariammitanus Superior Generalis mpp. P. Alexander Perz MIC Secretarius Generalis mpp. n. Superior Generalis Congregationis CC. RR. Marianorum sub titulo Immaculatae Conceptionis B. M. V. 00198 Roma, Via Corsica 1, Prot. N. 314/68. Reverendissimis Provinciarum Domorumque Superioribus, omnibusque post vota perpetua Sodalibus Marianis. Dilectissimi, in novissimis nostris litteris circularibus, de die 3 mensis Octobris 1968, Prot. N. 265/68, diximus si aliquam decisionem quoad proportionalem delegatorum electionem a Consilio nostro Generali factam et a Sancta Sede approbatam, omnes quorum interest certiores de ea tempestive reddituros fore. Consilium Generale, in sua sessione ordinaria die 6 mensis Novembris 1968 habita, auditis votis ac desideriis Superiorum Provincialium eorumque Consiliariorum, omnia pro posse mature considerata, statuit humiliter hanc Sanctae Sedis expetere gratiam ut, non obstante Constitutionum praescriptione, liceat nobis, per modum experimenti, numerum delegatorum singularum domorum ita augere, ut unaquaeque domus eligat pro Capitulo Provinciali non unicum delegatum, sed imum pro quaternis sodalibus votorum parpetuorum. Vigore facultatum a Summo Pontifice concessarum, Sacra Congregatio pro Religiosis et Institutis saecularibus, attentis a nobis expositis, rescripto de die 18 Novembris 1968, Prot. N. 3704/68 benigne adnuit pro gratia iuxta preces, servatis ceteris servandis. Contrariis quibuslibet non obstantibus. Unde et nos, praesentibus hisce litteris circularibus, omnes quorum interest certiores reddamus de obligatoria in Capitulis Localibus electione delegatorum pro Capitulo Provinciali, hac vice, iuxta sic dictam methodum proportionalem quae sonat: unus delegatus pro quaternis votorum perpetuorum sodalibus. Ne tamen in cuiuspiam mente ullum forsitan dubium quoad novum procedendi modum in praxi maneat, explicamus ac declaramus, maioris claritatis causa, ea quae sequuntur; 1° Ut in aliqua domo Capitulum Locale celebrari possit requiritur, ut in ea saltem quatuor sodales professi votorum perpetuorum tamquam de familia degant (cf. Const. 747). 2° Si in aliqua domo numerus sodalium post vota perpetua superat quidem qauatuor, sed non excedat septem, unicus tantum delegatus ab eis eligi potest ac debet, ad duos enim delegatos eligendos saltem octo vocales et non plus quam
RkJQdWJsaXNoZXIy MjI2Mw==