-611CAPITULUM GENERALE VI- - ROMANUM III a. 1957 Litterae Circulares Nr. 442/56 Pro Christo et Ecclesia. De convocatione Capituli Generalis Ordinarii anno 1957 celebrandi (promulgandae 8 XH 56) ad Reverendissimos Patres Superiores Provinciales, Locales omnesque Reverendos Patres ac Fratres Congregationis CC. RR. Marianorum Dilectissimi, praesentibus litteris, ad normam nostrarum Constitutionum necnon Indulti Apostolici N. 16241/56 de die 6 Novembris, 1956 an., convocamus Ordinarium Capitulum Generale, de consensu Consilii nostri Romae celebrandum in nostra sede ad viam Corsica 1, a die 21 Junii 1957 an. (velint Reverendissimi Capitulares iam omnes esse Romae die 20 Junii, 1957). Curent igitur Reverendissimi PP. Superiores Provinciales, ut tempore praefinito convocentur Capitula Provincialia ad delegatos ad Capitulum Generale eligendos aliaque negotia definienda juxta normas Constitutionum NN.705-711. Capitulum Generale peragetur juxta normas Constitutionum N.N. 639-669, respective "Instructionis de Modo Celebrandi Capitulum Generale". Ordo tractandorum negotiorum in Capitulo tempore opportuno singulis vocalibus praesentabitur. Dilectissimi, omnes probe scimus unumquodque Capitulum Generale esse negotium in Congregatione gravissimimi momenti, eo vel magis istud proximum Capitulum, etenim propter ultimum bellum ac circumstantias, post illud independenter a nostra voluntate secutas, per 18 annos non habuimus Capitulum Generale, inde per tot annos legitimi repraesentantes Congregationis statum eius non potuerunt considerare ac examinare. Hac periodo temporis tam longa evenerunt in Congregatione multa bona, sed immixta sunt non minora mala; bona oportet nutrire,ut evolvantur et multiplicentur, contra mala fortiter agere, ut impugnentur ac abscindantur. Ad haec Capitulum debet media invenire, remedia applicare. Medium fundamentale est zelus in adimpletione istius unicae obligationis vitae quae constituit statum religiosum i.e. in constanti tendentia ad perfectionem tum in vita interiore pietatis tum in operibus activitatis apostohcae. "Qui justus est, iustificetur adhuc; et sanctus sanctificetur adhuc" (Apoc. 22,11); tepidus torpore correptus excitetur, ne Dominus "incipiat eum evomere ex ore suo" (Apoc. 3,16), redeat ad fervorem amoris, ut decet filios Dei et Mariae. Capitulum Generale, quod est suprema Auctoritas Congregationis, praeter grave officium deputandi optimos viros qui inveniri possint ad gubernium in Congregatione, naturali et ecclesiastico iure destinatur ad invenienda ac indicanda 31 Archivum Generale Marianorum, Capitulum Generale Romanum HI - 1957.
RkJQdWJsaXNoZXIy MjI2Mw==