-612particularia media et remedia ad illud medium fundamentale efficax reddendum seu ad bonum promovendum, malum removendum. In laboribus Capituli Vocales ad scopum ejus plene assequendum haec duo prae oculis oportet habeant: 1) sapientissima principia vitae religiosae nostrarum Constitutionum, ad quae melius in dies actiones nostras adaptare debemus; 2) actuales necessitates tum singulorum sodalium tum domorum, provinciarum, Congregationis ac etiam S. Matris Ecclesiae (cf. NN. Constit. 2,2/ ad finem/: 3,4,9,350). - Experientia vitae praeteritae, observationes personales necnon adnotationes et proposita aliorum sodalium (cf. Constit. 642; 644) suggerent ea quae in Capitulo considerandae decemanda sunt, utilia et proficua pro ulteriore vita nostra religiosa, praesertim proximi sexennii. O utinam praeclarissima exempla perfectae vitae religiosae ac apostolicae majorum antecessorum nostrorum, primo loco Servorum Dei: Stanislai, Georgii et Casimiri, inspirent tum Vocalibus in Capitulo tum omnibus Sodalibus-Vocalibus et aliis post illud magnum zelum in filiali devotione ad Mariam Immaculatam, in quaerendis semper gloria Dei ac bono animarum suarum et proximorum. Bene tamen scimus sollicitudines et conatus, etiam optima voluntate animatos, nihil proficere sine adjutorio Ejus qui dixit: "Sine me nihil potestis facere" (Joan. 16,6). - In humilitate mentis ac cordis recurramus ad Jesum, ut in Misericordia sua copiam gratiae et benedictionis capitularibus effundere dignetur. Recurramus ad intercessionem Beatissimae Matris Nostrae, ut impetret eis necessarium lumen Spiritus Sancti ad eligendos ad suprema officia in Congregatione et Provinciis sodales maxime idoneos et ad invenienda media pro futuro progressu in virtutibus sodalium, incremento vocationum ac operum, maxime adaptata, ut post Capitulum omnes deveniamas veri nominis Ejus cultores, flagrantes amore erga Eam, erga Christum et Deum. De consensu nostri Consilii ad mentem N. 638 Constitutionum omnibus domibus ac sodalibus imponimus obligationem, ut a die 8 Decembris 1956 an. usque ad finem Capituli ante Preces Vespertinas loco "Veni Sancte Spiritus" hymnum "Veni Creator Spiritus" ac post easdem Preces Orationem pro Congregatione et unum "Pater", "Ave", "Gloria Patri" pro felici successu Capituli recitent. Hortamur etiam Carissimos Sodales, ut suas privatas orationes, S. Communiones, Visitationes Sanctissimi S., bona opera, mortificationes ac cruce vitae quotidianae ad eandem intentionem offerant. Gratia Omnipotentis ac Misericordissimi Dei sit cum omnibus Vobis, protectio et consolatio Beatissimae Matris nostrae Immaculatae comitetur unumquemqe. Datum Romae, die 16 Novembris, in Festo B. M. V. Matris Misericordiae ad Portam Acialem Vilnensem, 1956 an. P. Ladislaus Mroczek MIC Superior Generalis, M. I. C. P. Jakimowicz M.I.C. Secr. Generalis, M. I. C.
RkJQdWJsaXNoZXIy MjI2Mw==