-5584) ut novitiatus domum pro tempore Petropoli figere liceat, probante id Ordinario Loci. IV. Tandem cum in Imperio Russico iniquae leges civiles obstant, quominus Congregationes Religiosae libere et publice vitam suam ordinent, enixe petimus, Sanctam Sedem Apostolicam, ne res, quae Congregationem Marianam respiciunt, publici iuris fiant, sed ut sive ipsi Congregationi Marianae sive respectivis Ordinariis loci semper secreto communicentur. Qua par est pietate, obsequio et reverentia humillime in Christo servus Georgius Matulewicz Romae, die 30 Iulii 1909 anno [LVA,zesp.l676,inv.l,vol.27,k.22J Brevis Informatio de origine et statu Instituti Mariani sub titulo Immaculatae Conceptionis Beatissimae Virginis Mariae Mariana virorum Congregatio sub titulo Immaculatae Conceptionis Beatissimae Virginis Mariae initium habuit a Venerabili Servo Dei Stanislao Papczyński, qui tum ad propriam sodalium sanctificationem, tum ad cultum Immaculate Conceptae Virginis Mariae promovendum, tum ad pueros in sacra religione et litteris instruendos et ad iuvamen Clero Saeculari praestandum, initio in votis simplicibus, in Coenobio Korabieviensi anno 1679 prima huius Congregationis fundamenta posuit, probante id Stepho Wierzbowski, Episcopo Posnaniensi. Cum Institutum esset propagatum, confirmationem Sanctae Sedis Apostohcae anno 1701 obtinuit, regnante Innocentio Papa XII, qui et Regulam Imitationis Decem Virtutum seu Decem Beneplacitorum B. V. Mariae a Summis Pontificibus Alexandro VI, Iulio II, Leone X approbatam eidem Instituto appropriavit et vota solemnia praescripsit. Deinde haec Congregatio et eius Constitutiones fuerunt iterum approbatae anno 1723 ab Innocentio Papa XIII, denique anno 1786 a Pio Papa VI, qui etiam Institutum Marianum hucusque Ordini Fratrum Marianorum Sancti Francisci de Observantia nuncupatorum aggregatum ab eodem Ordine segregavit atque independentem declaravit. Cum Institutum Marianum per regiones Poloniae et Lithuaniae iam sat late esset propagatum atque iam duodecim monasteria et residentias haberet, immo vero et in Lusitania iam quinque loci residentias figeret, ubi potissimum e Polonia oriundi sodales proximarum saluti incumbebant, a gubernio Rossiae anno 1864 suppressum est; ita ut usque ad annum 1909 e tota Congregatione non remanserit nisi unum monasterium in civitate Mariampolensi in Dioecesi de Sejna cum solo superstite Praeposito Generali. Anno 1909 benevole id concedente et probante Sancta Sede Apostolica, non obstantibus difficillimis conditionibus, Institutum Marianum denuo renasci incepit.
RkJQdWJsaXNoZXIy MjI2Mw==