-557manifestando. II. Dein tum illarum difficultatum, quas in nostris regionibus vita religiosa experitur, ratio, tum temporum et laborum, qui suscipiendi sunt, nonnihil immutata conditio exigunt, ut quandam in Congregationis Marianae Constitutionibus fiant immutationes modificationesque; v.gr., ut facile intellectu est, impossibile est ulterius gestarae habitum religiosum, item prudentia postulat, ut loco votorum solemnium sola tria vota simplicia emittantur, - denique desiderabile est, ut goruratim [=congruatim?] Constitutiones Congregationis Marianae iuxta Normas a Sacra Congregatione Religiosorum anno 1901 editas denuo recenseantur. Itaque suppliciter rogamus: 1) ut Sancta Sedes Apostolica nobiscum a gerendo habitu religioso benigne dispensare velit; 2) ut loco votorum solemnium tria vota simplicia: paupertatis, castitatis et oboedientiae primum annua spatio sex annorum, tum perpetua nobis profiteri liceat; 3) ut Constitutionibus Congregationis Marianae, quantum fieri potest, in Normas a Sacra Congregatione Religiosorum anno 1901 editas modificandi vel immutandi et sic innovatas iudicio Sanctae Sedis Apostolicae intra aliquod temporis spatium submittendi nobis facultas concedatur. m. Cum propter potestatis civilis defensionem novitios recipere non licuerit, ex omnibus Clericis Regularibus Marianis, qui fuerunt, nunc temporis solus Vincendus Sękowski, praepositus Generalis superstes remanet; caeteri omnes iam decesserunt, atque idem Vincentius Sękowski iam aetate est provectus neque firma gaudet valetudine. Quae cum ita sint, opportunum, immo vero necessarium esse videtur, ut aliquis e sacerdotibus, qui Congregationem Marianam ingredi cupiunt, statim vota annua emittat, ne Vincentio Sękowski subito mortuo, ipsa Congregatio penitus extinguatur, tum ut alii qui eandem vocationem sentiant, statim novitiatum vel probationem incipiant. Humillime igitur Sanctae Sedi Apostolicae supplico: 1) ut mihi Georgio Matulewicz, qui cum iam a pluribus annis vocationem ad statum religiosum sentiam, et vitam meam sacerdotalem, quantum licuit, iam diu iuxta praecepta religiosorum ordinandam studui, et ipsa praecepta et leges religiosae tum generatim, tum specialiter Congregationis Clericorum Regularium Marianorum, ut mihi in Domino videtur, probe cognita habeo, in eadem Congregatione Mariana, non attendendo ad nulla impedimenta, quae existere possunt, statim prima vota annua emittere liceat; 2) ut sacerdoti Francisco Buoys S. Th. Dr., Theologiae Fundamentalis seu Apologeticae in Academia Ecclesiastica Catholica Petropolitana professori, qui pariter ab aliquot annis vocationem religiosam sentit, statim novitiatum inchoare liceat, non attendendo ad ulla impedimenta; 3) ut caeteris sive sacerdotibus sive laicis, qui Congregationem Marianam ingredi desiderant, probationem inchoare permittatur;
RkJQdWJsaXNoZXIy MjI2Mw==