-529more aliorum ordinum, et privilegiis sibi concessis majus Divinae gloriae incrementum, decorem et stabilitatem suam nec non electionem Praepositi Generalis in Capitulo Generali pertractare debet. Itaque Admodum Reverendi, Admodum Venerandi et Reverendi Patres electuri Praepositum Generalem adeste: adeste parati animo suffragari illi, quem virtute et scientia aliis praecellere noveritis. In actu praelaudato non aliam formam tenete, nisi quae statutis nostris capite quo proponitur, videlicet quae servanda et quae vitanda in electione occurunt sufficienter conscripta leguntur. Ne favore, respectu humano, aut propensione aliqua minus laudabili inducti a scopo huius actus longe declinetis. Ad hoc Capitulum Generale invitantur omnes, quos virtute Statutorum nostrorum convenire opportet. Nempe invitantur Admodum Patres Ordinis emeriti, AA. RR. PP. Assistentes, qui uno ad minus die Capituli diem praeveniant; denique invitantur Reverendi Patres Praesidentes Conventuum, etiam illi, qui defunctorum tenent locum: omnes invitati totali habitu religioso induti in conventu Capitulari compareant. [171] Quodsi qui sine legitima et urgenti causa voci suae renuntiare, vel non accedere ad Capitulum ausus fuerit, voces utraque ad triennium privetur. Noverit proinde, poenam huiusmodi per Venerabile Assessorium in eum declarandam, atque actis Capituli inserendam fore. Iam vero alios Patres habitum Ordinis nostri deferentes sed beneficiis ecclesiasticis provisos, quamvis olim eos de jure ad Capitulum Generale convenire opportebat, nunc tamen spectato eorum status vinculo, quo ad ecclesias suas curatos residere tenetur. Insuper defectu qualitatis religiosae vitae utpote ab oboedientia et paupertate dispensatos, actui Capituli Generalis nec posse nec debere adesse, ex natura rei evidenter dignoscitur. Quodsi resignatis beneficiis vitam religiosam repetere, et non habitu tantum sed actu religiosi haberi vellint Voce activa et passiva in Capitulo Generali gaudere, caeterisque privilegiis Ordinis uti eos posse sine controversia certum est. Dies Capituli Generalis vigesima nona mensis Septembris anni currentis in Conventu nostro Skurcensi designatur; quo sub tutela protectoris nostri Sancti Michaelis Archangeli consultationes nostras ipsamque electionem prospere instituamus et perficiamus. Utque actus tam magni momenti felicem sortiatur effectum, suffragia fieri solita demandantur; nempe a promulgatione praesentium respective in unoquoque conventu immediate quindecim signantibus diebus, mane finitis Horis Canonicis recitetur hymnus Veni Creator Spiritus, cum oratione Deus, qui corda fidelium. Iam vero finita meditatione vespertina dicantur Litaniae Lauretanae cum antiphona Sub Tuum Praesidium et oratione Defende, quaesumus. Ipsa autem die Capituli in unoquoque conventu Missa primaria cantetur de festo cum commemoratione Dominicae et collecta de Spiritu Sancto, cui omnes, qui tunc in conventu reperiuntur
RkJQdWJsaXNoZXIy MjI2Mw==