-528CAPITULUM GENERALE VICESIMUM SEPTIMUM in CONVENTU MARIAMPOLENSI a. 1811 Litterae Innotescentiales a. 1811 [Prot.Mar.170] In Nomine Domini. (NB: Obtentae die 25 Aprilis) Litterae Innotescentiales futuri Capituli Generalis. Thadaeus Białowieski S. T. L. Totius Ordinis sub titulo Immaculatae Conceptionis Beatissimae Mariae Virginis Clericorum Regularium Marianorum Praepositus, ac Visitator Generalis. Admodum Reverendis, Admodum Venerandis et Reverendis Patribus Salutem a Domino. Fertilis Evangelicus ager, in quo projecta Verbi Divini grana uberem sanctitatis messem edidere, tantae aestimationis semper fuit, ut illi ampliando et conservando Summi Ecclesiae rectores maximam adhibuere curam. Spectantes namque agri hujus ubertatem assiduo vigilabant, ne tribulis, spinisve vitiorum accresceret, sed incaepta fertilitate continuo perduraret. Agrum hunc fertilem Ordines religiosorum dico, qui consilia Christi Salvatoris sectantes voluntariam paupertatem, castitatem, et oboedientiam profitentur. Ita plane, ne lectissima illa Verbi Divini grana, tum cupiditate rerum temporalium, tum cupiditate carnis, tum denique appetitu excellentiae proteraretur, recondunt ea in corde suo fovent amore, irrigant affectu, opere demum crescere ob fructus virtutum proferre faciunt. Felices profecto, quorum vitae ratio ex Sapientia aeterna derivat, nam in ea sequenda nihil nisi verum, nisi sanctum, nisi Deo gratum reperiri potest. Cum enim Spiritu Divini Magistri vivere contendunt, quid velle aut agere aestimandi sunt? Nisi quae sanctiora et perfectiora esse cognosceant. At vero quia visibili praesentia Magistri destituantur, omnino necesse est, ut illis vicarius suus praeest, quo dirigente ad servandas vocationis suae regulas excitentur, eo plane modo, quo caeteri hominum caetus in statu rerum temporalium conservantur. Nulla siquidem comminutas etsi optimis legibus munita diu salva et tranquilla consistere potest, nisi ab optimo rectore moderetur. Et haec est summa ratio quae vos Admodum Reverendi, Admodum Venerandi et Reverendi Patres praemovere debet, ut decurrente tertio jam sexennio officii mei pro eligendi Praeposito Generali ad Capitulum conveniatis. Quemadmodum enim etsi exiguo numero personarum ordo noster paribus legibus et privilegiis cum caeteris ordinibus gaudeat, Sedisque Apostolicae Auctoritate inter sacros consiliorum Christi sequaces adlectus sit. Ita
RkJQdWJsaXNoZXIy MjI2Mw==