-5204to. Malitiosam apertionem litterarum a Superioribus ad inferiores, ac vicissim. 5to. Falsificationem manus aut sigilli provintiae aut conventus. 6to. Revelationem quorumque defectuum in Ordine commissorum cum infamia coram saecularibus. A quibus casibus Confessariis omnibus potestatem absolvendi ultro denegamus, exceptis iis, quibus hanc facultatem expressam dederimus. Ne vero harum Litterarum nostrarum notitia quempiam non subterfugiat, Superiores Locales curam habebunt, ut ad mensam canonicam perlegatur, et si opus fuerit explicentur, perlectae protocollo ingrossentur, ac tandem via cursoria ad viciniorem conventum transmittatur. Valete in Domino Patres et Fratres Dilectissimi, et Deum pro nobis orate. Dedimus in Conventu Nostro Maryampolensi die 21 mensis Aprilis 1803 anno. L. S. Victor Wołągiewicz Minister Provincialis Ordinis Marianorum mpp. Andreas Assistens ac per Provincias itero Secretarius S. T. L. mpp. CAPITULUM PROVINCIALE in CONVENTU MARIAMPOLENSI a. 1805 Litterae Innotescentiales I. [Prot.Mar.162] Litterae Innotescentiales praevie ante Capitulum celebrandum editae anno 1805 mense Augusto. In Nomine Domini. Fr. Nestor Żołdarewicz Ordinis Clericorum Regularium Marianorum, sub titulo Immaculatae Conceptionis Beatissimae Virginis Mariae in Neo Orientali Borussia degentium Commissarius ac Visitator Delegatus. Admodum Reverendis, Multum Venerandis Dilectis Nobis in Christo Patribus et Fratribus Salutem et Divinam Benedictionem. Quemadmodum plures actus, et praesertim insignores, gravioresque nequaquam valent simultanee tractari ac expediri, sed quilibet actus seorsiva seu indiget perfectione, ita etiam in praesenti (quod attinet partes officii nostri Delegati, antequam perveniet, ad actum futuri Capituli, solita Visitatio Canonica hunc actum Capituli, praecedat necesse est. Quam de ordinario muneris nostri Delegati jure anno currenti 1805 praesentibus diebus mensis Augusti peragendam statuimus ac declaramus. Haec autem dicta visitatio nostra, quatenus faciliori peragatur modo, ac in feliciorem cuiuslibet negotii addat. Successum, dignentur Adm. Reverendi Patres Superiores Locorum tempestive, ante adventum nostrum, ne modicis immorantes utiliora praeteriisse videamur, solaria religiosis, domesticaeque familiae exsolvere,
RkJQdWJsaXNoZXIy MjI2Mw==