-521debitis omnibus, si quae sint, satisfacere, passiva seorsive adnotare, regestra perceptae et expensae verificare, omniaque exactissimae composita habere, volumus. Hasque Litteras praesentes Innotescentiales nostras iidem Admodum Reverendi Patres Superiores ad mensam canonicam perlegere, et protocollo conventus ingrossare jubeant. Valete in Domino. Dedimus die 18 Augusti anno ut supra L. S. Fr. Nestor Żołdarewicz Commissarius ac Visitator Delegatus n. [Prot.Mar.162] In Nomine Domini Victor Wołągiewicz S. T. L. Ordinis Clericorum Regularium Marianorum sub titulo Immaculatae Conceptionis Beatissimae in partibus Meridionalis ac Neo- Orientalis Borussiae degentium Minister Provincialis et in Domino Servus. Admodum Reverendis Patribus, Admodum Venerandis, Multum Venerandis Reverendis, Venerandis, Dilectis Nobis in Christo Patribus et Fratribus Salutem ac Divinam Benedictionem. Rem neminem latere intelligo, quam claram prae oculis habet quisque Vestrum Admodum Reverendi, Adm. Venerandi, Multum Venerandi Reverendi, Venerandi Patres Fratresque suis titulis honorandissimi. Proxime scilicet secundum commune sancitum, et approbationem Serenissimae Regiae Camerae Bialostocensis ac Varsaviensis triennalis officii nostri Provincialatus terminari tempus. Quodsi ita est, prout revera est, utinam tandem sub expiratione dicti muneris nostri apostolicis vos omnes Doctoris Gentium Divi Pauli alloqui possumus Verbis, Cursum consumavi, fidem servavi. Ita sane est, cursum consumavi, nam triennale officium adimplevi; in reliquo Deus Ter Optimus Maximus tam me, quam Vos omnes salvos diutius propitius conservet. Et quamvis difficile est cuiuslibet officii, eo magis immediali Superioratus partes perfecte adimplere pro possibilitate attamen virium nostrarum ac circumstantiae temporis Loci Regiminis Supremi fuimus, quae facienda erant. Sequitur ulterius novum Capitulum celebrandum, de quo certiores vos omnes redolere volentes, per praesentes innotescimus sequens Capitulum modernum visis indeque videndis de ordinario muneris nostri jure celebrandum esse duximus, in Conventu nostro Mariampolensi anno currenti 1805 die 8 mensis Octobris. Taliterque de facto celebrandum declaramus de quo et benignum consensum ab una alterave Serenissima Regia Camera sub data 31 mensis Iulii obtinuimus, 27 Augusti transmissum. Ad conveniendum pro dicto Capitulo peragendo omnes vocales (prout illos quos ad Officium adesse convenit) modernis circularibus perhumaniter invitamus, ac imprimis Admodos PP. Emeritos Ordinis, A. V. PP. Assistentes [et Consultores,Skur.\, A. PP. V. Provinciarum, necnon caeteros, qui de jure vocantur, idque tempestive ante actum capituli, eadem edesse optamus. Ut autem actus huic
RkJQdWJsaXNoZXIy MjI2Mw==