-517Valete in Domino, ac Deum Ter Optimum Maximum tarn pro nobis, quam pro vobismetipsis supplices exorate. Dedimus in Conventu nostro Miroslaviensi sub titulo Sanctissimae Trinitatis Anno Domini currenti 1802 die 20 mensis Maii. L. S. Florianus Balcewicz Minister Provincialis mpp. Andreas Secretarius Provinciae Lector Theologiae Moralis mpp. n. [Prot.Mar.158] Frater Florianus Balcewicz S. T. L. Ordinis Patrum Marianorum Clericorum Regularium sub titulo Immaculatae Conceptionis Beatissimae, super Provincias tam Meridionalem, quam Neo Orientalem Dominio Serenissimi III Borussorum Regis Friderici Vilhelmi subiectas Minister Provincialis et in Domino Servus. Admodum Reverendis, Multum Reverendis, Admodum Venerandis, Multum Venerandis, Venerandis Religiosis in Christo Patribus et Fratribus Salutem et Divinam Benedictionem ab Eo, Qui est Salus Aeterna, et Fons omnis Benedictionis. Noveritis Admodum Reverendi, Multum Reverendi, Admodum Venerandi, Reverendi, Multum Venerandi, Venerandi in Christo Patres et Fratres Dilectissimi, proxime imminere tempus futuri Capituli, [159] de quo certiores vos fieri volentes praesentibus Litteris nostris Circularibus significamus omnibus: Qualiter nos de ordinario muneris nostri jure (tempore Visitationis Canonicae peractae, in Conventu Mariampolensi) hac de re recursum fecerimus die 18 mensis Maii, ad Serenissimam unam, alteramque Regiam Cameram Bialostocensem et Varsaviensem, in ordine ad obtinendum scilicet praevium consensum pro celebrando novo futuro Capitulo. A quibus praefatis una alteraque Serenissima Camera Regia sequens praeterito mense recepimus rescriptum: Benigne scilicet permittens celebrationem novi Capituli futuri, simulque non denegans adventum Patrum Vocalium ex Provincia Meridionali ad N eo-Orientalem. Obtento itaque praevio ad hoc consensu, modernis Litteris nostris Circularibus, omnes Vocales (prout illos, quibus ex officio adesse convenit) ad peragendum novum actum Capituli pro die 18 mense Octobris, anni currentis in Conventu nostro Miroslaviensi perhumaniter invitamus. Ac in primis Admodum RR. Patres Emeritos, perpetuos scilicet Ordinis Discretos, AA. RR. Patres Definitores ac Consultores, tum etiam Admodum W. Patres Provinciarum, necnon caeteros, quibus de jure competit idque anticipative ante actum Capituli, adesse eosdem optamus. Huic autem supervenienti actui principali, qua tali a quo pendet ulterioris religiosae vitae modus, regulamen, stabilitas officiorum etc. ut Deus Optimus Maximus benedicere dignetur, secundum laudabilem praedecessorum nostrorum consuetudinem recommendatur omnibus Sacerdotibus nostris, tam in Meridionali, quam Neo-Orientali Provincia domicilium trahentibus: Quatenus in Missis privatis assumant collectam de Spiritu Sancto ex votivis, idque ab eo instanti quam primum
RkJQdWJsaXNoZXIy MjI2Mw==