-516Serenissimae Regiae Camerae Białostocensis etc. Laudabilis praeterea a majoribus nostris recepta consuetudo juste [157] aequeque id exigunt a nobis: Quatenus vos vi Regulae ac Constitutionum nostrarum semel saltem visitaremus in anno. Quodsi aliquando de ordinario muneris nostri jure exequendum sentiebamus, profecto maxime hoc tertio ministerialis officii nostri anno praevie ante futurum Capitulum hancce de more visitationem nostram merito instituendam arbitrabamur. De qua ut canonica certiores vos fieri volens per praesentes innotescimus: Qualiter eadem per nos sequenti mense Majo et ulterioribus in omnibus conventibus nostris dominio Serenissimi Friderici Vilhelmi III Borussorum Regis subiectis inchoabitur, et actu peragetur. Quae antequam incaepta sit (ut per praesentes significatur), prius hisce Litteris nostris Innotescentialibus praemonemus vos in Domino verbis Divi Pauli Apostoli ad Corint. Ep. 1. Cap 1. et ad Ephesios Cap. 4: Fratres videte vocationem vestram, ut digne ambuletis vocatione vestra, qua vocati estis. Quod assertum Divi Apostoli Pauli, si ad quos magis referri videatur, certe maxime ac conformiter spectat ad nos religiosos, qui ex professione status nostri religiosi aliis bono exemplo, re, ac opere praelucere debemus; prout ii, qui vitam nostram tam ad propriam, quam ad aliorum salutem instituimus. Sed quoniam pauci secundum vocationem suam ambulant, immo accidit, quia plures frequenter a recto religiosae vitae tramite deflectunt ac deviant, ideo juste propter proprium bonum nostrum ac securitatem conscientiae citatis verbis Apostoli praemonemur in Domino: Fratres videte vocationem vestram, ut digne ambuletis, vocatione vestra, qua vocati estis. [Et in hunc finem, atque scopum, modernam visitationem nostram (uti praedecessores nostri) de more institutam praesentibus declaramus, quatenus vos omnes in Domino secundum Regulam et Constitutiones meliorare possimus. Quod det Deus Ter Optimus Maximus omnibus et singulis nobis, quodque quemadmodum unicuique sincere ex corde peroptamus, ita omnes pro hanc Canonica Visitatione nostra adesse voluimus, Situr.]. In reliquo vero quod spectat ad partes officii nostri ac visitationis institutae, ut eadem faciliori peragatur methodo, et cujuslibet negotii feliciorem cedat successum, dignentur RR. Patres Superiores Locorum tempestive ante adventum nostrum (ne modicis immorantes utiliora praeterisse videamur) solaria religiosis, domesticaeque familiae exolvere, debitis omnibus (si quae irrepserint) satisfacere, passiva seorsive adnotare, regestra tam perceptae quam expensae verificare, inventaria rerum mobilium, et immobilium conficere, exactamque supellectilis ecclesiasticae nec non librariae compositionem debito ordine facere. [158] Aliaque id generis similia faciant esse parata, quae de more et lege in Visitationibus Canonicis servari solent. Itaque praesentes Litteras nostras Innotescentiales iidem RR. Patres Superiores Locorum curent ad mensam canonicam perlegere, omnibus et singulis innotescere, protocollo conventus ingrossare, easdemque tandem ad viciniorem conventum via cursoria transmittere.
RkJQdWJsaXNoZXIy MjI2Mw==