-510pias Deo fundite preces, pro felici actus huius eventu, quatenus Dominus talem rectorem vobis providere dignetur, qui virtute, doctrina caeteris praestet. Omnes autem quos de jure et consuetudine convenire oportet, ad conventum, per Admodum Reverendum P. Matthaeum Zielonka Vicarium Generalem designandum die ab eodem praefixo convenire non gravamini, ibique constituti, habitis super qualitate candidatorum consultationibus vestris, imum ex tribus propositis candidatis per vota secreta praesidente [151] eundem Admodum Reverendo Patre Vicario Generali, eligatis; et sic electo trium annorum tractu tamquam Ministro Provinciali vestro reverentiam et oboedientiam praestetis. Volumus insuper, ut eodem actu Capituli Definitores Provinciae, Secretarius, caeterisque officiales eligantur; praesentes autem Litterae nostrae Innotescentiales A. R. Patris Vicarii praeinsertae ad omnium notitiam perveniant, atque protocollo inserantur. Datae Skurcii 6ta Augusti 1799. L. S. Thaddaeus Białowieski Ordinis Marianorum Praepositus Generalis mpp. Ioannes Niezabitowski Assistens Generalis mpp. n. [Prot.Mar.151] Matthaeus Zielonka Sacrae Theologiae Lector Ordinis Clericorum Regularium Marianorum Vicarius Generalis. Dilectis Nobis in Christo Reverendissimis, Admodum Reverendis Multum Reverendis, Reverendis, Admodum Venerandis, Venerandis Patribus ac Religiosis Fratribus Salutem et Divinam Benedictionem. Licet in praesenti coram Vobis Patres ac Fratres Dilectissimi una cum Apostolo dicere possim, quod jam favente Supremo Lumine appropinquavit illud desideratissimum tempus, quo hoc muneri superioratus, humeris meis imposito per biennium illiusque oneribus, ac obligationibus expeditus brevi evadam (tempus resolutionis meae instat, ad Timothaeum Cap. 4^™). Interim tamen, ut ex eadem munere officii mei pro possibili Deo, religioni, vobismetipsis Dilectissimi Patres et Fratres satisfacere queam. Summopere speciem legislatoris Moysis induere exopto, qui convocatis majoribus natu, exposuit illis omnes sermones, quos illi mandavit Deus, Exodi Cap. 17. Itaque Amantissimi PP. et Fratres ne nihil quidquam proprio ex ingenio industriaque vobis circa necessarias imminentes Capituli circumstantias referre volo, sed id dumtaxat omnibus viribus intimare conabor, quod Deus ipse voluit, et vult quodque nobis per sua oracula Scripturae Sacrae proponit, et ad quod me Regulae et Constitutionum stringunt obligationes. Dum itaque nos, qui Dei cultu in sortem huius officii sumus adsciti, et a Reverendissimo Generali Ordinis Serenissimisque Varsaviensi et Bialostocensi [152] Camera utentes potestate, visitandi Domos seu Conventus subiectos Dominio Serenissimi Wilhelmi Friderici III, Regis Potentissimi
RkJQdWJsaXNoZXIy MjI2Mw==