-506sione digna occurunt maturius paterna monitione emendentur. Memineritis itaque Fratres Dilectissimi omnium religiosorum communitatum scopum non alium esse, quam propriam impigre curare perfectionem, animoque puro Omnipotentem Deum pro populo orare, omnibusque bonis operibus praelucere, ut plebs christiana vestris exemplis accensa ac inflamata, Patrem Luminum glorificet, vestrisque orationibus suffulta salutem suam in Nomine Domini operetur. Enimvero an non ideo Divina misericordia vocati deseruistis mundum, ut a muta mundi caligine, quam fauste [infauste,Skur.] humana sapientia animo obducere solet, facilius caelestia contemplari valeatis, receptis [ruptis,Stor.] passionum vinculis, iter, quo ad virtutes fastigium properatur plenius vobis reddatis, ac sublatis obstaculis, dejectisque impedimentis, quibus amatores saeculi retinentur, non modo fidelius Divina observetis mandata, verum etiam, exactius evangelica adimpleatis consilia. Domicilia itaque vestra sint pietatis ac virtutis officinae, in iisdem virtutibus acquirendis totis viribus incumbite, procul absit umbra superbiae ac vanitatis, prurigo ab iis, qui a Iesu Christo discire cordis humilitatem imprimis invitantur. Nihil in opere activitatis huiusmodi, quod ad regulas honestatis non sit exactum et exteriori modestiae non accomodatum. Ostendite vos esse discipulos Iesu Christi, mutuam charitatem atque dilectionem inviolabiter custodientes, et dum mundus procellis bellorum dissidiorum, litigium, altercationum, quae ex concupiscentiis oriuntur indesinenter concutitur, vos pace, quam semper inter se ponite perfruamini evitando discordiarum ac dissenssio- num semina, quippe experientia nimis indubia compertum est; summo id religiosis communitatibus dedecori esse, quin et ruinae originem clamante ipso Domino Luc. 11, v. 17 Omne regnum in se divisum desolabitur et domus super domus cadat. Sancta solitudo silentiique exacta observantia, sint vobis virtutes prae aliis charae quippe quae non utilitate modo precellunt sed ad spiritum orationis, quo viri religiosi flagrare debent, coniciendum [concipiendum,SAur.], fovendumque imprimis sunt necessariae. Non vos facite saecularium tumultibus, aut occultis conventiculis commisceatis ne vobis indulgentibus, ad frangendas Divinas humanasque leges, audatiores fiant, aut quod magis pertimescendum est, ne dissolutionis morum, m oli [ti] orisque [?] vitae ac otiosae, ipsi complices ac duces, convertamini in sal infatuatum ad nihilum valens ultra, nisi ab hominibus conculcetur [Mt 5,13]. Quae cum magna ex parte a Superiorum Localium cura ac diligentia dependeant, eorumque solicitudinem ac vigilantiam praesentibus excitandam intendimus, quibus imprimis serio ac severe attendendum est, si muneri suo deesse nolint, ut omnino habeant, et legant Ordinationes, Regulas, Constitutionesque examinent, observando in quibus, et quas ob causas erretur, et quaenam praescripta sint remedia, manifeste enim deprehenditur, omnes defectus ab uno executionis defectu, tanquam ex fonte manere, quia si ordinationes diversis temporibus editae immo [149] solae regulae observarentur, nihil esset quod in religiosa disciplina desideraretur. In hunc ergo finem per magni futurum est adiumenti, si ad rem nostram adaptemus, quod
RkJQdWJsaXNoZXIy MjI2Mw==