-478Item V. Patris Lucae Lewicki Sacerdotis juvenis sed bonae virtutis qui 9 Aprilis ad excipiendas confessiones paschales Prenis existens post paucam aegritudinem decessit, omnes hos sacramentis munitos solitis piis commendamus juvandas parentalibus. Iure etiam merito vendeat sibi nostros fraternos actus Illustrissima Magnifica Domina Anna de Szczyt Matuszewicia Fundatrix Conventus Rasnensis beneficia, quae 22 Februarii praeter omnium opinionem Salvatori reddidit pium spiritum, idcirco, cum Venerabilium Fratrum adscripta sit collegio per documentum a Generali Capitulo eiusdem susceptionis exhibitum, in suffragium gratitudinis in quolibet conventu Missam cum Vigiliis cantatam assignamus. Caeterum Patres ac Fratres suis titulis dignissimi dum devotissimi pergitis ad ad expiandas suorum multae virtutis fratrum, si quae remanserint, culpas, nostri servi vestri in orationibus memores, propria propensione et motu sub tempus conventualis Missae, antiphonam Sub Tuum praesidium etc. pro felici regimine augmento et statu Sacrae Religionis nostrae quotidie invicem decantari valete. Volumus autem ut praesentes non solum ad canonicam mensam mox perlegantur suisque protocollis ingrossentur, verum ad viciniores conventus transmittentur. Dedimus in Conventu Mariampolensi Anno Millesimo Septingentesimo Octuagesimo Nono die 28 mensis Maj et sigillo Ordinis per R. Secretarium muniri fecimus. L. S. Iosephus Mraas, Pater et Commissarius Generalis Ordinis mpp. Fin, Felix Hadrawa S. T. L. Secretarius Ordinis mpp. Capitulum Generale Intermedium in Conventu Gorensi a. 1791 Litterae Innotescentiales [Prot.Mar.134] Josephus Mraas Sacrae Theologiae L. Totius Ordinis sub titulo Immaculatae Conceptionis Beatissimae Virginis Mariae Clericorum Regularium Marianorum Pater, Vicarius Visitatorque Generalis et in Domino Servus. Reverendissimis, Admodum Reverendis, Multum Venerandis, Rev., Multum Venerandis, Ven. ac Religiosis in Christo Patribus ac Fratribus apprime Dilectis Salutem et Divinam Benedictionem. Sollicitudo superioralis ministerii, quo nostram his procellosis temporibus placuit Divinae voluntati providere imbecillitatem, tanto vigilantiora in nobis auget studia, Reverendissimi ac Dilectissimi in Christo Patres et Fratres, quanto probius internoscamus universa istic ab Altissimo dirigi gubernacula, ut pro salute Fratrum omnem non solum operam, sed et ipsam vitam, qua homini nihil carius, in communem sacrae Religionis Marianae conferamus utilitatem et commodum.
RkJQdWJsaXNoZXIy MjI2Mw==