-40Frater Mansuetus Leporini Ordinis Minorum Sancti Patris Francisci Reformatorum Praedicator Varsaviensis Sacrae Theologiae Lector Provinciae Maioris Poloniae Custos Actualis nec non supra Congregationem Polonam Conceptionis Virginis Mariae Commissarius Visitator Generalis et Servus. Admodum Reverendis Multum Venerandis Patribus ac Fratribus Superioribus ac Subditis in Christo Iesu ejusque Sanctissima Matre Maria Immaculate Concepta cordialiter Dilectis Salutem et Paternam benedictionem. Quoniam speculator datus sum Polonae Congregationis Conceptionis Immaculatae Virginis Mariae, dum a Reverendissimo Patre Deodato a Roma totius Cismontanae Reformatorum Familiae Venerabili Commissario Generali, Superiore meo Colendissimo, Canonicus Commissarius, Visitator Generalis ad inclitam hanc mihi dilectam Congregationem Conceptionis Immaculatae Virginis Mariae, ablegor per solemnes patentes Romanas Die 13 Iulii Anno Domini 1715 datas, et ad Nos directas Varsaviani; quas tum Illustrissimo ac Reverendissimo Episcopo Posnaniensi loci Ordinario, tum Celsissimo et Illustrissimo Nuntio Apostolico in Regno Poloniae et Magno Ducatu Lituaniae praesentavi ad eiusque informationem, instructionem, accepi ad visitandum hanc Congregationem, idcirco vigore eorundem speculatoris Legalis in praefata Congregatione Mariana Visitationem Canonicam in omnibus et singulis residentiis et locis perficiendam, ea qua opus est legali solemnitate universis Patribus at Fratribus indico, rite notifico et iuxta iuris legales apices publico promulgoque, ut autem huius modi ardua et fatigiosa functio auspicatum fructuosumque portiatur effectum, Paternitates Vestras Reverendas et Char ita tes in primis rogo enixe ut ardenti precum suarum quotidianarum studio, omnique efficacia arcanum Spiritus Sancti Sacrarium indefesse pulsent indeque Supernam influens assistentiam ad debitam speculandam hanc Congregationem dictam a Domino ejusque Sacratissima Matre V. Maria Immaculate Concepta ut inhabitetis in ea omnibus diebus. Quam Congregationem Polonam Marianam pro muneris mei Deo auspice scrutabor in lucernis flamma paternae charitatis, succensis in ordine ad impetrandam singulis possibilem consolationem religiosam. Quam lustrabo cum Samuele in zelo pastoralis inquisitionis, quam emetier cum Ezechielis arundine justitiae, bene nimirum operantes pro apportato lucro, bene hactenus exercitia conservationis praemiando, servos vero a bono opere torpentes et regularis disciplinae osores demando. Admoneo, idque ac serio exhortor vos amantissimi Patres ac Fratres [189] quatenus in ipso intentae visitationis actu unusquisque vestrum iustitiae veritatis et charitatis normam atque limites observet ut, finita canonica visitationie confrater suus aliquo delicto praeventus et qui a iure visitatatus, visitanti dicere valeat, "Visitatio tua custodivit spiritum meum". Quapropter nemo Confratris sui spiritualem machine tur ruinam, sed si opus est igne examinare argentum proximi sui eoque modeste tengat puniatque labia coinquinata Fratris sui visitet quilibet fideliter ea omnia viderit in communem Sacrae Congregationis iacturam vergere ut adhuc tenere succrescentes abusumque sarculi tempestivus
RkJQdWJsaXNoZXIy MjI2Mw==