-39CAPITULUM GENERALE QUINTUM in CAENACULO DOMINI a. 1715 pProt.Ord.187] Pro 5to Capitulo. In nomine Domini Amen. Properante iam ad finem triennio Praepositurae Admodum Reverendi Patris Ioachimi a S. Anna Superioris RR. PP. Marianorum seu Ordinis Conceptionis Immaculatae Virginis Mariae in Congregatione Polona, idem Admodum Reverendus P. Ioachimus ad adventum Litterarum Romanarum ratione Commissionis et Visitationis suae Congregationis comparait Varsaviani in Conventu Ordinis Minorum S. Francisci Reformatorum Varsaviensis ad S. Antonium Anno Domini 1715 die 28 Augusti invitavitque ad obeundum hoc munus Commissionis ac Visitationis Admodum Reverendum Patrem Mansuetum Leporini visis prius ac per lectis Litteris in Commissione a Reverendissimo missis quarum tenor est talis: Litterae Reverendissimi Patris Visitatoris Commissarii Generalis ad Admodum Reverendum Patrem Mansuetum Leporini. Admodum Reverende Pater, cum a Reverendo Patre Congregationis Marianae Praeposito Paternitas Vestra in Visitatorem ac Praesidem novae electionis cooptetur, satis libenter justae petitioni annuendum duxi, ac proinde tanquam satis probato et idoneo Viro Paternitati Vestrae confido et ipsum in Domino salutans me suis in orationibus commendo. Romae 13 Iulii Anno 1715. Paternitatis Vestrae addictissimus in Christo Servus Fr Deodatus a Roma Vicecommissarius Generalis [Prot.Ord.187-188] [A. R. P. Mansueto Leporini Praedicator Conventus Varsaviensis S. T. L. Provinciae Maioris Poloniae Custos, a Fr Deodato designatus per Congregatione Mariana, Commissarius, et Visitator Generalis]. Litterae Innotescentiales [Prot Ord.188] His perlectis acceptisque cum humilitate et oboedientia ac praesentatis tam Sacrae Apostolicae Nunciaturae tum Illustrissimo ac Reverendissimo Domino Domino Episcopo Posnaniensi Ordinario loci Pastori Vigilanitissimo, Admodum Reverendus Pater Mansuetus Leporini acceptis a praefatis confirmatione, informatione et benedictione, per Admodum Reverendum Patrem Ioachimum transmisit suas intimatorias ad Polonam Congregtionem Immaculatae Conceptionis Virginis Mariae, in quibus destinantorias litteras in Domo Gorensi ad Caenaculum Domini, Capitulum 23 Septembris celebrandum indixit. Quae litterae sunt talis tenoris:
RkJQdWJsaXNoZXIy MjI2Mw==