-46133ho. Statutum est a Venerabili Assessorio, idque ut se magis applicent Concionatores et suam diligentiam in dicendis concionibus certam faciant, quatenus gaudeant privilegiis et meritis PP. Lectorum. Sessione matutina eadem punctum 7. Datum die et anno ut supra L. S. Concordat cum actis generalibus Fr. Carolus Hondlewski Secretarius Ordinis mpp. Litterae Pastorales [Prot.Mar.116] Joannes Raymundus Nowicki S. T. L. Ordinis Clericorum Regularium Marianorum sub titulo Immaculatae Conceptionis Beatissimae Virginis Mariae Praepositus ac Visitator Generalis, et in Domino Servus. Universis et singulis in Christo Iesu Dilectissimis Eiusdem Ordinis Fratribus tam Superioribus, quam Subditis Salutem, plenamque in Spiritu Sancto Consolationem. Noveritis Admodum Reverendi, Admodum Venerandi, Reverendi, Multum Venerandi, Venerandi in Christo Patres et Fratres Dilectissimi: Sanctissimum Papam Nostrum singulari gratia, studio, ac voluntate die 24 Septembri anno praeterlapso 1784 elegisse eiusdem Ordinis nostri in Protectorem Serenissimum ac Eminentissimum Henricum Ducem Eboracensem, S. R. E. Episcopum Cardinalem, et Vicecancellarium etc de qua etiam electione ex Secretaria Status Nos certiores reddere dignatus est tali authentico rescripto: Dominus Noster dignatus est eligere et destinare in Protecrorem Congregationis Immaculatae Conceptionis B. V. Mariae Dominum Cardinalem Ducem De York, habet hoc Nuntium, seu notitiam [117] Pater Praepositus Generalis huius Congregationis, ut conscius sit huius enuntiatae Pontificiae dispositionis. L. S. Nos itaque tanta (Divina disponente utique Providentia) donati gratia condignam rependere cupientes vicem, Litteris Nostris Praelaudatum Serenissimum Protectorem Nostrum appellavimus, submissionemque nomine totius Ordinis nostri (ad praescriptum Regulae nostrae Cap. 4 de praestanda eidem Serenissimo Protectori nostro debitae reverentia ac oboedientia) exhibuimus. Quibus ita gestis, Serenissimus Protector noster die 16 Iulii anno currenti solemniter cum apparatu descendit ad Conventum Nostrum S. Viti in Alma Urbe situm, ibique Missa Solemni decantata, adhibitis solitis caeremoniis, sedendo in throno in Protectionem suam nostrum Marianum suscepit Ordinem, cui etiam assistentes huius conventus religiosi, nomine sui ordinis debitam sub osculo sacrae purpurae praestitere reverentiam ac oboedientiam. Volens autem Serenissimus Protector noster Clementissimus, ut Universo Ordini nostro illius altissima innotescat erga Ordinem nostrum Protectio, suas ad nos dedit Litteras Pastorales toti Ordini nostro communicandas, quarum tenor est prout sequitur.
RkJQdWJsaXNoZXIy MjI2Mw==