-440A quibus casibus confessariis omnibus potestatem absolvendi ultro denegamus, exceptis iis quibus hanc facultatem expressam dederimus. Ne vero harum litterarum nostrarum notitia quempiam non subterfugiat, Superiores Locales curam habebunt, ut ad mensam canonicam perlegantur, et si opus fuerit explicentur, perlectae protocullo ingrossentur, ac tandem via cursoria ad viciniorem conventum transmittantur. Sinite nunc in Domino Nostro in orationibus memores. Dedimus in Conventu Nostro Rasnensi ad S. Annam die 17'mensis Octobris Anno Domini 1782. L. S. Fr Raymundus Nowicki Praepositus Generalis Ex Mandato Reverendissimi Generalis Fr Carolus Hondlewski Secretarius Ordinis n. [ProtMar.103] Litterae Encyclicae Ad Universum Ordinem Clericorum Regularium Marianorum Anno Domini 1783 Fr Raymundus Nowicki S. T. L. Ordinis Clericorum Regularium Marianorum sub titulo Immaculatae Conceptionis Beatissimae Virginis Mariae, Praepositus ac Visitator Generalis et in Domino Servus. Dilectis Nobis in Christo Admodum Reverendis, Admodum Venerandis, Reverendis, Multum Venerandis, Venerandis ac Religiosis Fratribus universoque Ordini nostro Mariano Salutem et Divinam Benedictionem. Quando quidem post varias ordinationes, post crebras Superiorum Localium ad officii sui curam excitationes, post visitationes denique tum solemnes, tum particulares intra ordinem institutas, nondum tamen is fructus, nec spiritus incrementum aut fervor in observantia religiosa elucet, quem omnes optamus, et quem ego, ut omnibus modis procurem, privato ac praecipuo muneris mei vinculo admoneor; In hanc interim deliberationem veni ut, si qui exinde animadversione [digni,Stur.] occurrant defectus, maturius paterna monitione emendentur. Re autem Domino Deo diligenter commendata, manifeste deprehendi reliquos omnes defectus ab uno executionis defectu tanquam ex fonte manare: quia si ordinationes diversis temporibus editae, immo solae Regulae, si observarentur vix admodum esset, quod in studio perfectionibus religiosaque disciplina desideraretur. Et quoniam haec ipsa executio maxima ex parte pendet a Superioribus Localibus, frustra siquidem libri regulis, ordinationibus ac visitationibus implentur, si desint animata instrumenta, quae spiritum subministrent, et vividam illarum praxim exerceant. Hinc si muneri suo deesse nolint, doceri debent: omnes omnino defectus ex eo nasci, quod subditorum suorum morbos, vel ignorent, vel negligant, vel foveant
RkJQdWJsaXNoZXIy MjI2Mw==