-429singufi Adm. Reverendi Patres ac Assistentes Ordinis manu propria sese subscribantur ac via cursoria e Conventu Corabioviensi ad Conventum Gorensem, a Gorensi ad Conventum Goźlinenssem transmittant, ac denuo retro ex eodem conventu ad Conventum Gorensem praesentibus Litteris subscriptis, ac receptis ad manus nostras per postam ad Conventum Rasnensem quantocius fieri poterit, ac sine protractione mora remittantur. Pro interim omnia fausta ac prospera illis apprecamur. Dedimus in Conventu Nostro Rasnensi ad S. Annam die 27 Martii anno 1782. Fr Raymundus Praepositus Generalis Mpp. n. [Prot.Mar.99] Fr Raymundus Nowicki S. T. L. Ordinis Clericorum Regularium Marianorum sub titulo Immaculatae Conceptionis Beatissimae Virginis Mariae Praepositus ac Visitator Generalis, et in Domino Servus. Admodum Reverendis, Admodum Venerandis, Reverendis, Multum Venerandis, Venerandis, Religiosis in Christi, et Magnae Matris Nostrae intaminatis Visceribus Dilectissimis Patribus ac Fratribus Salutem et Divinam Benedictionem. Licet in praesenti coram vobis Admodum Reverendi, Admodum Venerandi, Reverendi, Multum Venerandi, Venerandi Patres ac Fratres Dilectissimi, una cum Apostolo possim dicere: quod jam favente Supremo Numine appropinquat illud desideratissimum tempus, quo hoc munere superioratus per sexenium humeris meis imposito, illiusque oneribus ac obligationibus expeditus brevi evadam, 2 ad Timoth. Cap 4: Tempus resolutionis meae instat. Interim tamen, ut ex eodem munere officii mei pro possibili Deo, Religioni, Vobismet ipsis Admodum Reverendi, Admodum Venerandi, Reverendi, Multum Venerandi, Venerandi Patres ac Fratres Religiosi in Christo Dilectissimi satisfacere queam, summopere exopto speciem induere legislatoris Moyses cum exemplo in simili circumstantia facto, de quo Sacra Scriptura hunc in modum loquitur: Convocatis majoribus natu exposuit Moyses omnes sermones, quos mandavit Dominus, Exodi Cap. 19 v. 7. Atque sic Patres et Fratres in Christo Dilectissimi, nihil quidquam proprio ex ingenio industriaque vobis circa necessarias imminentis Capituli circumstantias referre volo, sed id dumtaxat omnibus viribus intimare conabor, quod Deus ipse loquitur et vult quodque nobis per sua scripta proponit ac recommendat; si vero aliquid de proprio addam, liceat vobis non auscultari, immo sic facere obligati estis; Ast si Divina effata, et alia, quae ex iisdem necessaria sequuntur, vobis exprimam; Ea adimplere quilibet vestrum sub amissione salutis aeternae tenetur a quocunque Deus et propria salus diligitur. Cum autem in praemissis assumo illud, in quo me hic et nunc obstrinxi exordium capio ab imminenti proxime Capitulo Generali; Capitulum in nostro sensu, Dilectissimi Patres et Fratres, nihil aliud est, quam congregatio et conjunctio
RkJQdWJsaXNoZXIy MjI2Mw==