-428prohibente: Nolite conformari huic saeculo, neque ut perinde hominibus aut sibi placeatis, sed juxta Divi Gregorii monitum Homil. 13 in Evangel ium: Lumbos vestros praecingite, ut carnis luxuriam per continentiam coarctetis (...). Ut munditia sit castitatis corpore et lumen veritatis in operatione. Et cum punctum quoad externa quoad externa summo affectu quantocius adimplere anheletis, etiam caetera quoad vitam religiosam vobis praescripta observare satagatis. Curent insuper Superiores Locales, ut omnes religiosi suae curae concrediti ita sint praecincti, ne unus ita, alius aliter praecinctus incedat, sed omnes pari modo hominibus appareant. Ut vero praesentes omnibus innotescant, via cursoria per conventus nostros transmittantur, ad mensam legantur, explicentur ac protocollo ingrossentur. Dedimus in conventu Nostro Mariampolensi ad Sanctam Crucem die 12 Decembris Anno Domini 1781. CAPITULUM GENERALE VICESIMUM QUARTUM in CONVENTU RASNENSE a. 1782 Litterae Innotescentiales I. |ProtGoźl.l38r] Admodum Reverendis, Admodum Venerandis, Patribus, Patribus Ordinis Dignissimis ac Assistentibus Ordinis Honorandissimis, et in Visceribus Christi Dilectissimis Salutem et Divinam Benedictionem. Tametsi neminem ex Admodum Reverendis, ac Admodum Venerandis Patribus ac Assistentibus Ordinis Dignissimis lateat, quinimmoque certum ac indubitatum fore, Capitulum nostrum Generale pro eligendo novo Praeposito ac Visitatore Generali nostri Ordinis die 17 Iunii anno currente 1782 imminere ac celebrari debere. Cum tamen omnes, et singulos conventus nostros paucis ab hinc temporibus peragrassemus, ac ubique conquestus miseriarum, paenurias, inopiasque a Superioribus Localibus auribus nostris percepissemus, ac ipsi etiam oculis nostris vidissemus, ita ut nullum ex conventuum Superioribus Localibus pro eodem temporis intervallo acceptandi Capitulum Generale celebrandum promptum, idoneum, ac sufficientem repererimus, neque etiam quemquam ex benefactoribus. Aequum proinde ac justum esse censimus, appellandos esse Adm. Reverendos ac Adm. Venerandos Patres Ordinis ac Assistentes, quatenus (animadversione super inopias, ac penurias temporum facta) consensum suum praebeant, ac pro impetranda a S. Nuntiatura prorogatione Capituli Generalis, officiique mei confirmatione, saltim ad mensem Septembrem anno currentis inclusive una mecum consentiam. Quod si ita pro recta ratione ac commoditate conventuum illis rectum videbitur (quod omnino esse necessarium judicamus) Praesentes Litteras nostras singuli [=omnes] et
RkJQdWJsaXNoZXIy MjI2Mw==