-4237mo. Item Venerabile Definitorium statuit, ut, iam Perillustris Magnificus Dominus Łuszczewski Judex Sochaczeviensis, conventione facta cum Perillustri Magnifico Domino Magnuszewski Notario Ravensi, summam Conventui Corabie- viensi debitam a florenorum 3000 absque nostro scitu transtulerit in bona praefati Magnifici Domini Magnuszewski Notarii Ravensis, Kamice nuncupata, ad tres annos, Superior Localis huius conventus revideat principaliter documenta bona Partacze- wizna concernentia, ac circumscriptione seorsiva ex utraque parte, tam conventus, quamque Perillustri Magnifici Domini Magnuszewski Notarii Ravensi facta, illa omni meliori modo roborare studeat, ac sollicitetur, in cuius rei fidem plenaria sibi a nobis data gaudebit plenipotentia, ac agendi in quovis foro causa. 8VO. Suscepit Venerabile Definitorium obligationes, oneraque missarum numero 200 e Via Romana transmissarum, ac applicatarum R. P. Iuliani Koprowski, ac distribuenda per conventus appromisit. 9"°. Facta matura consideratione statuit Venerabile Definitorium Ven. Fratrum Felicianum Jakubowski ob certas rationes tollendumque dubium, egere omnino pro recipiendis Sacris Ordinibus dispensationem. 10mo. Decidit etiam et statuit idem Ven. Definitorium, quatenus omnes illi religiosi, qui debita pro sua propria contrahunt persona, suspendantur ad tempus a Divinis, donec ad assem unum illa non expungant, exsolvantque. Nec licitum pariter est Superioribus Localibus pro necessitatibus conventus absque scitu et praesentia duorum saltem Discretorum sub eadem poena contrahere occulte debitum. Cum etiam compertum sit, RR. PP. Praesidentes esse immemores sui status ac vocationis suae cum scandalo subiectorum, vitamque plane pejorem, quam saeculares ducere, idcirco mandavit Ven. Definitorium, quatenus RR. PP. Praesidentes ab his omnibus abstineant, quae viros religiosos dedecent. Sint vigiles chori, quem abhorrebant, ad celebrandas Missas, quibus neglectis Divina minuit gloria; sint prompti ad virtutes, quas ante praetermittebant. Depositarii munus non obeant, sed peculium cum regestris iis, qui ex Convocatione Definitorii sunt declarati ad disponendum cedant. Solaria religiosis exsolvant. Recollectiones [135vJ alimentum animae non negligant, quinimmo bono exemplo alios ad absolvendas inducant. Vitium ebrietatis, matrem omnium vitiorum abhorreant, idque ad tollendas illas inurbanitatis, crudelitatis, molestiarumque, erga subjecta invectiones, mortificationes, ac continuum chaos, ex quo fit, ut talibus oppressi religiosi a RR. PP. Praesidentibus ebriosis, fumoque liquorum obfuscatis, dimissionem petendi ab Ordine sunt coacti; eapropter sancivit Venerabile Definitorium, ut si in his non se emendaverint Loci Superiores, sed refractarii ac inoboedientes se re exhibuerint, quovis tempore juxta habitam compromissionem a Venerabili Definitorio habet jus ac potestatem Reverendissimus Praepositus Generalis ex officio deponendi eos, aliosque substituendi seu instituendi.
RkJQdWJsaXNoZXIy MjI2Mw==