-419abusus? Si quae non pervulgata scandala? Si quae non religionis ac virtutis germina laesa, atque violata perscrutabimur, si quae juramenta (signanter de receptione missarum stipendiis, ultra duos menses, versa in periuria?'Si quae debita pro sua persona, absque Superioris Localis scitu a religiosis non contracta? Examinabimus, si quae in Capitulis ac Congregationibus sancita puncta non neglecta? Ac executioni non demandata? Indagabimus, num cultus Augustissimo Altaris Sacramento debitus, devotionis promotio, chori vigilantia et praescripta Sacramenti Poenitentiae frequentatio exacte observetur, regularisque observantia manuteneatur? Num vota solemnia iacturam non patiantur? Num vitium detestabile ebrietatis, compotationum nocturnarum, in et extra conventus toties iam per puncta severe proscriptum, necdum vitetur? Num quis vitio proprietatis non sit deditus? Num reparationes ecclesiarum, claustri et praediorum non negligantur? Aut aliquae desolationes ex incuria Superiorum Localium non subsequantur? Num charitas fraterna, multoties a nobis recommendata per verba inurbana, scommaticaque non laedatur? Num rixae aut contentiones inter religiosos ac saeculares non disseminentur? Num absque speciali et ordinaria nostra licentia a Superioribus Localibus religiosi, ad remotos palatinatus pro colligenda eleemosyna non expediantur? Num capellaniae citra nostri dispositionem ad annum non recipiantur? Num recollectiones octiduanae ab omnibus religiosis quotannis irremissibiliter absolvantur? Num missae fideliter a Superioribus Localibus applicentur, Tabulis inscribantur et ab omnibus absolvantur? Num de persolutis missis ac applicatis juramenta a Sacerdotibus fideliter deponantur? Num aliqua debita a Superioribus Localibus non contrahantur? Aut contracta non expugnantur? Num solaria religiosis ac familiae exsolvantur? Quibus pro munere officii nostri, partim evellendis ac extirpandis, partim restituendis ac consolidandis hanc futuram in Conventu nostro Corabioviensi die prima mensis Octobris anni currentis, Convocationem Definitorialem censuimus indicendam; proindeque humanissime invitandos ac vocandos in partem solicitudinis ac laboris Adm. Reverendos Patres Ordinis Dignissimos, Adm. Venerandos Patres Assistentes Honorandissimos, Reverendum Patrem Secretarium Ordinis, ut junctis nobiscum viribus [96] triduo ante praefixam convocationis diem, in suprafato capitulari conventu ad remedia, industriam, sese conferant ac laborem. Caeteris vero (quibus in conventu suo omnino reperibilibus sub tempus sub tempus visitationis nostrae paternum cupientes dicere ave) absque speciali assensu nostro, aditum ad eundem conventum penitus interdicimus, prohibemus ac vetamus. Volumus autem, rogamusque Admodum Reverendos, Adm. Venerandos, Rev. Patres Superiores Locales, ut post indictam promulgatamque praesentibus Encyelicis visitationem nostram in omnibus ecclesiis Ordinis nostri inchoanda (quo ad ipsa convocatio defmitorialis absoluta fuerit), post Tertiam, Vesperas ac Matutinum, consueta peremptorie continuentur suffragia. Ipso vero convocationis actu Missa Votiva de Spiritu Sancto in quolibet conventu solemniter decantetur, in qua omnes Clerici et Fratres Laici praevia confessione, Sacra Synaxi reficientur; Sacerdotes vero
RkJQdWJsaXNoZXIy MjI2Mw==