-415Prorogatio Officii Praepositurae P. R. Nowicki [Prot.Mar.92] Litterae Illustrissimi Excellentissimi ac Reverendissimi D. Nuntii Apostolid in forma Instrumenti Exhibitae circa prorogationem et confirmationem Reverendissimi Patris Praepositi Generalis ac Capituli. Fr Raymundus Nowicki Sacrae Theologiae Lector, Ordinis Clericorum Regularium Marianorum sub titulo Immaculatae Conceptionis Beatissimae Virginis Mariae Praepositus ac Visitator Generalis, et in Domino Servus. Universis in Christo Iesu Dilectissimis eiusdem Ordinis Fratribus tam Superioribus, quam Subditis salutem plenamque in Spiritu Sancto Consolationem. Noveritis Illustrissimum, Excellentissimum ac Reverendissimum Dominum Nuntium Apostolicum in Regno Poloniae ac Magno Ducatu Lituaniae pro sua erga nos benevolentia, et Ordinem nostrum singulari studio, ac voluntate dignos, nos existimavisse, qui in Officio Praepositi ac Visitatoris Generalis confirmaremur, datis suis Litteris in forma Instrumenti prout sequitur. Joannes Andreas Archetti ex Marchionibus Formigariae, Dei et Apostolicae Sedis Gratia Archiepiscopus Chalcedonensis Pontificio Solio Assistens Sanctissimi Domini Nostri Domini Pii Divina Providentia Papae VI ejusdemque Sanctae Sedis Apostolicae in Regno Poloniae et Magno Ducatu Lituaniae cum Facultatibus Legati de Latere Nuntius. Universis et singulis praesertim Reverendis, ac Reverendis Patribus et Fratribus Congregationis Polonae Clericorum Regularium Marianorum professis salutem in Domino sempiternam. Noverint exhibitum nobis, et esse suplicem libellum nomine totius Venerabilis Definitorii praedictae Congregationis per Adm. Reverendos ac Reverendos Patres Ambrosium Bilewicz, Aloysium Chełstowski [=Chełchowski], Hilarium Orłowski Assistentes, Ioachimum Staniewski, Isidorum Taudt, Dyonisium Kisieliński et Adria- num Ignatowski Expraepositum, Definitores, die 8 Iunii anno currenti subscriptum et sigillo dictae Congregationis munitum, et in actis nostrae cancellariae asservatum, quo expositum fuit, Anno nunc labenti imminere in hac Congregatione celebrandum Capitulum Generalem pro electione novi Praepositi et Visitatoris. Verum cum ob penuriam temporum, et angustiam aerarii Congregationis, expensae propter conductionem Commissarii ad praesidendum inevitabiles erogari nequeant, aliasque [93] propter rationes in eodem supplici libello fusius expressas, celebratio eiusmodi capituli sit difficilis; nobis idcirco humiliter supplicatum fuit nomine totius Ven. Definitorii, ut eiusmodi celebrationem capituli ad tres annos prorogaremus, eoque interstitio Adm. Reverendum Raymundum Nowicki Sacrae Theologiae Lectorem modernum actualem Praepositum Generalem altodictae Congregationis in eodemmet munere Praepositi Generalis manuteneremus. Nos talibus supplicationibus benigne inclinati, eiusdemque Venerabilis Definitorii desideriis deferre cupientes expetitam
RkJQdWJsaXNoZXIy MjI2Mw==