-414Puncta Convocationis Definitorialis a. 1779 [Prot.Goźl.l31r] In Nomine Domini Amen. Puncta sancita sub tempus Convocationis Definitorialis in Conventu Goźlinensi Celebrata Anno reparatae Salutis 1779 die 30 Maii. lmo. Postquam fore iam passim in conventibus nostris praebeantur Superiores Locales pro suo arbitrio ac libitu capellanos constituere, conventus religiosis orbare, ecclesias Sacerdotibus privare, gloriam Dei minuere, eapropter Venerabile Assessorium obviando propriis Superiorum Localium ausibus omnino eosdem obstringit, ne amplius plures designare praesumant capellanias praeter specificatas ac assignatas a Venerabili Assessorio, a quibus solutionis [solationis, Prot. Cor. summae pars media pro Conventu Gorensi tribuenda designatur, altera vero pars media ad Superiorem Localem, sub cuius regimine degunt, spectabit pro necessitatibus conventus quam ut inviolabiliter observetur strictae executioni demandatur. 2do. Fratres Laici professionem religiosam non statirn post annum probationis suae emittant, nisi post annos duos elapsos idque si in religiositate et observantia bene se gesserint. 3tio. Ratione reductionis missarum unanimi assensu Venerabilis Assessorii recommendatum est Reverendo Patri Norberto Golkowski, qua procuratori, ut captato tempore nonnullibus conventus moratos missis fundationalibus adeat documenta illarum perlustret ac numerum earum in imum collimet, tandemque in paratis ad reducendum Episcopo praesentet. 4to. Recommendatur etiam RR. PP. Lectoribus studiorum sedula in scientiis vigilantia, ne subiecta educationi eorum concredita ac etiam Congregatio in futurum in scientiis con jacturam patiatur, eapropter sciant se ad sexenium privandos omni officio si negligentes ac pigri tardique ad educandum alumnos suos extiterint. Et haec pro tunc sufficiant alia observanda alias memoriae ac executioni demandare sedulo curent, ne in vanum ea quae statuuntur a suprema potestate accipiant, quia qui potestati resistit Dei, resistit voluntati. Dabamus in Conventu nostro Goźlinensi sub tempus Convocationis Definitorialis die et Anno ut supra. Fr Raymundus Nowicki L. S. Praepositus ac Visitator Generalis mpp. De mandato Reverendissimi Patris Generalis Fr Petrus S. T. L. et Secretarius Ordinis
RkJQdWJsaXNoZXIy MjI2Mw==