-412Severiano Pechta [?]. 9no. Ex quo conventus nostri omnes subsidii charitativi per Procuratoris Romani victu et amictu quolibet anno tenentur contribuere 10 aureos hungarum, hinc alios 10 aureos nummos ex cassa communi superaddi iisdem Patribus Romae degentibus quotannis disposuit Venerabile Assessorium transmittendos simul Romam. 10mo. Pro epistolis conscribendis exsolutio in posterum fiat hoc modo si nimirum litterae Romae devenerint, aut Romam mitterentur ex cassa beatificationis, si in negotio totius Congregationis ex communi cassa, si in causa unius cuiusque conventus ex cassa itidem conventus, si in causa particularis personae ex peculio particulari cuiuslibet expensa restituanda tam Adm Rev. Patri Praeposito Generali, quam etiam Adm. [...] Patri Congregationis, sic decidit Venerabile Assessorium. Fr Raymundus Nowicki L. S. Praepositus Generalis mpp. Ex Mandato Admodum Reverendi Patris Praepositi Generalis Fr Carolus Hondlewski Secretarius ad Latus mpp. CONVOCATIO DEFINITORIALIS celebrata in Conventu Goźlinensi die 30 Maii a. 1779 [ProtMar.90] In Nomine Domini. Fr Raymundus Nowicki Sacrae Theologiae Lector, Ordinis Clericorum Regularium Marianorum sub titulo Immaculatae Conceptionis Beatissimae Virginis Mariae Congregationis Praepositus ac Visitator Generalis, et in Domino Servus. Religiosorum nostrorum regimini, quanto ex alto nobis concreditur, ex generalatus specula prospicientes, in illa praecipue officii nostri aciem dirigimus, quae morum correctionem, disciplinae regularis observantiam et officialium electionem concernunt. Quapropter, cum instet celebratio Capituli Generalis Ordinis, ad evitanda plura, et gravissima incommoda, quae alias in determinatione ejusdem, et destinatione Commissarii subsequi possent, Convocationem Definitorialem instituendam fore in conventu nostro Goźlinensi censemus, actusque ejus determinamus diem 30 Maii, invitantes Admodum Reverendos Patres Ordinis, Admodum Venerandos Patres Assistentes, pro die 27 mensis memorati. Et quia dictam Convocationem praecedere debet solita Visitatio Canonica, ideoque his Litteris Innotescentialibus eandem intimamus, et de proximo adventu
RkJQdWJsaXNoZXIy MjI2Mw==