-398Praepositus ac Visitator Generalis et in Domino Servus. Admodum Reverendis, Adm. Venerandis, Multum Venerandis, Venerandis Religiosis in Christo ac Magnae Matris Nostrae in Intaminatis Visceribus Dilectissimis Patribus ac Fratribus Salutem in Dominam [et Divinam, Goźl} Benedictionem. Quandoquidem ex supaemae dispositionis arbitrio ad regimen Mariani coetus, invitus licet, suffragiis attamen Fratrum evocatus, nomen Superioris Generalis suscipere iussus sim, respiciens itaque ad partes, ac munia officii humeris meis impositi confestim animum meum praeventum esse censui ac intellexi munus Superiorum in pastorału curaque animarum consistens pondus esse grave, immo onus ingens ex definitione synodi Tridentinae, etiam angelicis humeris summe formidandum. In re igitur tam ardui momenti, ut quam optime nobis prospiceremus, officiumque nostrum quantum in Domino cupimus adimplere valeamus, non solum per vicos et plateas, sed etiam per aspera ac in via quaerimus. Quaem diligit anima nostra, honorem videlicet et gloriam Dei, Dominique illius decorem, ac Animarum religiosorum nobis concreditorum salutem Admodum Reverendi, Admodum Venerandi Reverendi, Multum Venerandi, Venerandi Religiosi Fratres Dilectissimi. Hic enim est finis ad quem ad ea exequenda nos totos convertendos esse diximus, atque in gradu superioralis praeeminentiae constitutos nos esse censuimus, curare nimirum ac sanare ubique, quod aegrotum est; alligare, quod fractum est, reducere, quod abiectum est; quaerere, quod perierat. Dummodo vos sitis in omnibus rebus ac actionibus vestris non propriam utilitatem, sed maiorem Dei gloriam quaerentes in oratione non oscitantes, in servitio Dei non tepidi, in procurando Illius ac Magnae Matris nostrae honore non frigidi, in custodiendis Constitutionibus Ordinis nostri non dormientes, neque dormitantes, in arcendis lupis non tardi, vel fugientes mercenarii, sed uti veri animarum suarum pastores mori parati. Non diffidite omnia potentes in eo qui vos confortat: Credite, cadent enim a latere vestro mille et decem millia a dextris vestris, ubi agitur de gloria Dei ac honore Magnae Matris nostrae, Animarumque salute, cavete, domesticos quoque inimicos vestros, vitia videlicet vestra interna, scientes per optime vitam hominis molitiam [militiam, Goźl} esse super terram. [84] Pugnandum est cum antiquo serpente, [ut tandem vincentibus vobis detur manna abscondita. Sobrii estote, Goźl.] et vigilate diabolo, tanquam leoni resistite in fide, mutuam charitatem servate, forma gregis facti in omnibus actionibus vestris. Videte, ne quem scandalizetis de pusillis, modestia vestra nota sit omnibus, studete, ut lux vestra luceat coram hominibus, ne effato prophetae sitis obnoxiis angeli pacis amari flebunt dissipatae sunt viae, cessavit transiens per semitam, irritum factum est pactum, projecit civitates, non reputavit homines, sed ut tandem pervenire possitis ad lucem inaccessibilem, et lucis aeternae beatitudine perfrui. Quapropter omnes et singulos Admodum Reverendos, Admodum Venerandos, Multum Venerandos, Venerandos Religiosos Patres ac Fratres intimo cordis affectu amplectentes hortamur in Domino; Fratres mei Dilecti, stabiles estote, immobiles, sperantes, quoniam labor vester non est inanis in Domino: nihil enim nos
RkJQdWJsaXNoZXIy MjI2Mw==