-393Patribus et Fratribus, ut eodem die pro libitu suo eligere sibi possint Confessarium ad placitum, approbatum tamen, cui a reservatis facultatem tribuimus pro hac vice. Ad ultimum mandamus, ut istae Litterae nostrae Patentes post sui receptionem, in plena communitate perlegantur, lingua nativa explicentur, protocollo uniuscujusque conventus inscribantur, et notata die adventus et regressus earumdem cum inscriptione Superioris, de conventu ad conventum juxta ordinem cursoriae a foris annotatam sine mora transmittantur. Valete in Domino A A. RR. Patres ac Fratres, ac pro necessitatibus Ecclesiae, Regni et istius Provinciae, ac pro me indigno Servo Vestro Divinam exorate Clementiam. Datum in hoc Conventu ad Sanctum Michaelem Archangelum Korabieviensi die 7ma Maii Anno Domini 1776. Fr Petrus Reformatorum Commissarius L. S. Visitator Generalis mpp. Puncta Capitularia a. 1776 [Prot.Gozl.119v] In Nomine Domini Puncta sancita in Conventu Mariampolensi sub tempus Capituli Praeside Adm. Reverendo Patre Petro Jerzykowicz Commissario ac Visitatore Generali Reformatorum Provinciae Majoris Poloniae Definitore actuali Anno Domini Millesimo Septingentesimo Septuagesimo Sexto, die 9 Junii plenae executioni ac observationi demandata. Primo. Adm. R. P. Commissarius etsi per suam visitationem Congregationis Nostrae Marianae non invenerit quidquam enorme, immo Deum glorificat et gratum se praestat, vigilantiae Superiorum nihilominus tamen quaedam corrigendo voluit, ac praeprimis qui negligunt chorum, aliasque devotiones religiosas frequentare, recognoscant culpam, et pro prima vice in septimana dicant quinque Pater et Ave ac Credo, pro secunda vice, subtrahatur ipsis portio principalis, et pro tertia vice tam eadem portio quam potus denegetur; idque practicetur non solum in conventibus formalibus, sed etiam in residendis, in quibus saltim recitativi alternatim. Chorus aliaeque devotiones, recollectiones, meditationes ab omnibus in ecclesia vel capella persolvi debent; exceptis tamen professoribus scientiarum et concionatoribus actu impeditis, quo circa reliquos omnes cuiuscunque sunt status legitime non impeditos, Decretum Clementis Papae VHI p. 196 indispensabiliter obligat exceptis excipiendis. Secundo. Dies dominicales ac festa saltim ad celebrandum, seu saeculo relicta qui non observaverit, permittendo videlicet ad scandalum populi secare ligna, currere ad varia negotia, sive ad molendinum, sive ad silvam expedire, puniatur a
RkJQdWJsaXNoZXIy MjI2Mw==