-389contulisset; factum est, ut illae catenae inter se sic connecterentur, ut jam non binae, sed ima catena ab eodem Artifice confecta esse videretur. Igitur merito inferri posse: connexionem hanc significare: Unionem Ecclesiae Grecae cum Latina, aliorumque subalternorum statuum, conditionum, et Ordinum, uti et Mariani cum Seraphico; et unitatem hanc indissolubilem per saecula succcessionem Ecclesiae gubernantem gradus permultos hominum, etiam et religiosorum confirmando Generalium electiones, et ab istis Provincialium, Praepositorum, aliorumque Superiorum animadvertendo per suos Commissarios observantiam, legum Christi, Constitutionum Ecclesiae, Regularum, mandatorum, jurium, praeceptorum a propriis respective Patriarchis, Fundatoribus, et Superioribus, pro adimplenda vocatione Divina, pro salute animae assignatorum, consolando bonos, transgessores corrigendo, puniendo per suos Visitatores. Qua ad praesens in nucleo demonstrata universis, et demonstranda singulis vobis dignissimi Patres et Fratres hujus inclitae Provinciae successione salvifica, utique sic ne in re ad meritum nostrum et vestrum accipienda, et usque ad religiosos gubernandos status amplianda, Visitationem nostram Canonicam conformiter ad praescriptum Legum et Constitutionum Apostolicarum, his praesentibus nostris litteris denunciamus, ac [78] intimando promulgamus ex mandato Reverendissimi in Christo Patris Paschalis a Varisio, Ministri Generalis Superioris Honorandissimi. Ut autem haec visitatio [cedat,Goźl] ad Dei gloriam et ad profectum animarum, imprimis volumus, ut memores fraternae charitatis, abstineant a sinistris et malitiosis delationibus, et eorum defectuum prolatione, quorum jam praecessit correctio, punitio ac emendatio per suos respective Superiores. Ne iterum [quis, Gbź/.] deponere audeat id, quod non ad emendationem fratris, sed ad ignominiam et fraternae charitatis laesionem conduceret. Nam si ex oraculo Aeternae Veritatis Qui irascitur fratri suo, reus erit iudico, Math. 5, v. 22, quanto magis ille, qui adversus fratrem suum malitiose loquitur iniqua, et adversus Filium Matris suae ponit scandalum, Psal 49, v. 20. Quodsi vero pro aliquorum defectuum correctione, abusuumque eliminatione, iniuriarum compensatione, delatio ad visitationem iudicetur esse opportuna, vel justa querela pro remedio adhibenda foret, id fiat confidenter, immo ad hoc se quisque noverit teneri ex conscientia. Et cum post visitationem aliquando odia, inter Fratres ex suspicione orta, quasi hic vel ille detulerit, ac perturbationes, mortificationes, eversiones, non promotiones exurgere exinde soleant, ideo meminerint tales, se ante tribunal Justissimi Judicis constituendos, et utique severius quam a nobis puniendos. Ut etiam finis futurae nostrae visitationis suo non fraudetur effectu, ideo omnes Superiores Locales praemonendo obligamus, quatenus pro imminenti actu visitationis nostrae universos Patres et Fratres sibi subjectos, in suis respective conventibus retineant, nec ex levi causa vel quocunque praetextu eos longius a conventu ire permittant, et qui defuerint, eos congregari curent. Quare in hunc finem omnes, quascunque litteras oboedientiales, a quocunque Superiore inferiori concessas indultas et elargitas, nunc revocatas ac irritas declaramus. Insuper volumus, ut nullus per integrum decursum
RkJQdWJsaXNoZXIy MjI2Mw==