-385assumerent) paterne hortamur, ac ne quemquam Ordinis nostri religiosorum notitia praesentium fugiat, Reverendi Patres Superiores Locorum admonendo duximus, ut eandem ad mensam canonicam praesente sua communitate promulgari, protocolo conventus ingrossari, ac demum proximiorem conventum juxta cursoriam subscriptas et obsigillatas fideliter transmitti curarent. Valete igitur in Domino suis titulis Patres Ornatissimi ac Fratres Dilectissimi, nostrique in orationibus vestris memores, Deum glorificate. Dedimus in Conventu nostro Miroslaviensi sub titulo Augustissimae Trinitatis anno reparatae Salutis milesimo, septingentesimo septuagesimo quinto, die decima sexta mensis Aprilis. Fr Adrianus Ignatowski Praepositus Generalis mpp. L. S. Ex mandato Adm. Rev Patris Praepositi Generalis Fr Candidatus Spourny S. T. L. et Secretarius Ordinis mpp. Congregatio Generalis a. 1775 [Prot.Rasn.186] In Nomine Domini Ordinationes sub tempus Annualis Congregationis Sancitae in Conventu Rasnensi anno reparatae salutis 1775 die 25 mensis Iulii celebratae Praeside A. R. in Christo Patre observandissimo Patre Ignatowski Praeposito ac Visitatore Generali. lmo. Ad maiorem commendationem Congregationis nostrae Marianae in Serenissima Republica Polona promerendam eiusdemque protectionem consequendam, tum benefactortun nostrorum expresius captandam benevolentiam, Venerabile Assessorium Celsissimum Principem Czartoryski Supremum Cancellarium Magno Ducatu Lithuaniae, cum Celsissima Consorte Principessa ad participationem omnium Ordinis nostri meritorum, ac suffragiorum spiritualium, et in vita et post sera fata percipiendorum reverenti animi admittendam decrevit. Interim vero pro recenter praestato beneficio, omnibus ordinis nostri Sacerdotibus, piae in Sacrificiis Missarum memoriae dictos Celsissimos Principes commendat. 2do. Postquam census a summis capitalibus ex piis legationibus alias debiti obligationibus injunctis missarum persolvendarum, ratione detruncationis provisionum ex vi Constitutionis Regni hodiernis temporibus non respondeantur, ipsique debitoris ab iisdem capitalibus summis debitas provisiones annualem quibusdam conventibus solvere renuant ac omnino recusent: Venerabile Assessorium habita animadversione super injuriatos conventus gravamen eiusmodi, Illustrissimis Loci Ordinariis, qui tales obligationes aut cassare, aut ad minorem numerum juxta
RkJQdWJsaXNoZXIy MjI2Mw==