-380Magistrum instruendi sunt, quapropter vetamus, ne imposterum eiusmodi ausu temerario vel maxime insciis nobis distrahantur. Vto. Quoniam aliquibus in locis conventus nostros et sanctuaria, ob incuriam Superiorum ruinam et horrorem comminantia cognoverimus, ideo eorundem et specialiter Conventus et ecclesiae Rasnensis, reparationem conservationemque RR. PP. Praesidentibus demandamus, nec si sufficere nequierint, negligentiam suam excusari posse confidant, sed potius benefactores conveniant, qui hac in parte diligentem curam eorum non importabunt. VIto. Denique subiecti suis Superioribus in omnibus oboedire satagant, secus voluntati et dispositioni Superiorum recalcitrantes secundum canones et puncta capitularia severe puniantur, et hunc in finem etiam penes residentias carceres construantur, in quibus devii juxta proportionem delicti mancipantur. VIImo. Ad servandam in omnibus ecclesiis nostris uniformitatem in promovenda singulis annis per Octavarium pro Fidelibus Defunctis devotiones, inhaerendo partirn institutioni Romanae, partirn consetudini iam a nobis introductae modum et ordinem illius peragendae, sequentem disponimus et in posterum servandum ordinamus. Ac proinde volumus, ut mane finita in choro devotione, expositio fiat Sanctissimi, ad majus altare, per celebrantem servatis servandis intonantem O salutaris Hostia etc. Dataque benedictione incipiantur in choro mediante organo pro defunctis polonico idiomate, horulae eodem tono, quo de Immaculata Virgine, in horum fine Sanctissimum Sacramentum per sacerdotem, superpelliceo et stola vestitum, umbratuli obtegatur, et statirn officium defunctorum majus inchoetur, ac tandem missa solemnis de Requiem decantetur, ad altare collaterale, sub quem concio habeatur, et populus ad ferenda defunctis suffragia excitetur. Tum finita Missa processio lugubris pro opportunitate temporis et concursu populi, post hanc vero conductus solitus instituatur; his itaque peractis solemnisans cum suis ministris aliis omnibus ante altare exspectantibus ad sacristiam redeat, alius vero vel idem ipse pluviali coloris albi indutus, ad altare cum ministris accedat, remotoque umbratuli genuflexus incensato Sanctissimo absolute incipiat secundante organo Litaniae de Nomine Iesu respondente choro loco Miserere nobis - Miserere eis ac deinde una ex melodiis pro defunctis assumatur, qualis est Jezu w Ogrójcu mdlejący etc., quae oratione convenienti concludatur, et facta iterum incensatione celebrans cum debita reverentia accipiat Sanctissimum, ut [178] benedicat populo solo choro et organo ter cantante: Requiem aeternam etc. ipso vero celebrante non praecinente, ita tamen lento tractu nonnisi unicam crucem efformante, ut una cum cantu terminatur benedictio. Hac finita, choro ulterius prosequente, Sanctissimum in tabernaculum vel in pyxidem reponatur, ut servetur. Idem fere modus observandus est circa Vesperas. Enimvero praetermissis praetermittentis post
RkJQdWJsaXNoZXIy MjI2Mw==