-378per fidelem latorem proximiori conventui suo locu subscriptas et obsigillatas sine dilatatione transmitti curent, paterne monemus. Valete itaque in Domino suis titulis ornatissimi Patres ac Fratres [175] Dilectissimi, nostrique piis in Orationibus vestris coram Deo mementote. Dedimus in Conventu nostro Mariano Miroslaviensi sub titulo Augustissimae Trinitatis Anno Milesimo, Septingentesimo Septuagesimo Quarto, die 18 mensis Aprilis. Fr Adrianus Ignatowski Praepositus Generalis mpp. L. S. Ex mandato Adm. Rev Patris Praepositi Generalis Fr Candidatus Spourny S. T. L. et Secretarius Ordinis mpp. Congregatio Generalis a. 1774 [Prot.Rasn.176] In Nomine Domini Puncta Sancita in Conventu Skórcensi sub tempus annuae Congregationis anno 1774 die 24 Iulii celebratae stante felici regimine A. R. in Christo observandissimi Patris Adriani Ignatowski Ordinis sub Titulo Immaculatae Conceptionis Beatissimae Virginis Mariae Congregationis Patrum Marianorum Praepositi ac Visitatoris Generalis. Imo. Quamvis ex charitatis debito omnibus spirituali suffragio succurrere vi instituti nostri teneamur, iis tamen multo amplius obligatos nos profitemur, quorum dilectionem amplioribus beneficiorum documentis frequentius experti sumus. Cum itaque piae memoriae Illustrissimi Domini Josephi Andreae e Comitibus Załuski, Episcopi Kijoviensis et Czernichoviensis etc., specialem in promovendo processu Causae Venerabilis Institutoris Nostri diligentiam, multorumque aliorum erga Ordinem nostrum meritorum copiam claram habeamus, nec eisdem dignam rependere vicem valeamus, spiritualibus saltem officiis vi filiationis eidem a nobis concessae, ex nunc post fata eius compensare affectamus, monendo omnes Superiores Locales, ut eadem suffragia pro anima eius persolvi curent, quae Fratribus nostri Ordinis praestari solent. Virtute etiam gratitudinis fundatoribus et benefactoribus nostris debitae volumus, ut obitus Illustrissimi Domini Martini Matuszewicz Capellani Palatinatus Brestensis M. D. L. mediati fundatoris, sono campanarum per spatium trium dierum cum solito suffragio consueto tempore, in omnibus conventibus nostris promulgentur. IIdo. [Nota in margine: Pro solo Conventu Rasnensi]. Circa legationem bibliothecae trecentis triginta libris diversi partus ex editionis constantis per Perillustrem A. Dominum Michaelem Hynko pro tunc Commendatarium
RkJQdWJsaXNoZXIy MjI2Mw==