-366prospere ad laudem et gloriam Nominis Sui, amplissimum honorem Immaculatae Conceptae Virginis et Genitricis Suae et Vestrum omnium copiosam salutem. Porro ut haec ad omnium tempestivam notitiam perveniant, Superiores Locales curabunt congregatae communitati perlecta, Fratribus Conversis explicata, protoculo conventus ingrossata, ad proximiorem conventum, iuxta cursoriam foris annotatam quantocius transmittere. Valete in Domino, et pro Sanctae Romanae Ecclesiae Exaltatione, huis Regni de justissimis flagellis sublevatione, et pro me Infimo Servo suo Majestatem Dei exorate. Datum in hoc nostro Conventu Korabieviensi ad S. Michaelem Archangelum die 24 Aprilis Anno Domini 1773. Fr Felix Reformatorum L. S. Visitator et Commissarius Generalis mpp. Litterae Pastorales [Prot.Ras.165] Fr Adrianus Ignatowski Congregationis PP. Marianorum sub Titulo Immaculatae Conceptionis Beatissimae V. Mariae Praepositus ac Visitator Generalis et in Domino Servus. Admodum Reverendis, Admodum Venerandis, Reverendis, Multum Venerandis, Venerandis Religiosis Patribus ac Fratribus in Christo Dilectissimis Salutem et Paternam Benedictionem. Cum Generalis Superioratus iterato impositum nobis munus sentimus, non possumus rei ipsius magnitudine et perspecta virium nostrarum imbecilitate non vehementer commoveri. Verum a Domino factum est istud et est mirabile in oculis nostris, neque enim ullis humani consilii rationibus, sed illius inscrutabili judicio nobis jam amplius nihil tale optantibus aut opinantibus delatam ultro tanti muneris procurationem apertissime inteUigimus. Proinde in certissimam spem erigimus eum ipsum, qui nos ad huius officii solicitudinem adduxit, timorem ac infirmitatem nostram praesidio suo sublevaturum. Illius itaque, qui est robur ac fortitudo nostra, voluntati obsequimur; Ilhus fidei potestatique nos permittimus. Ille consilio suo reiteratum in nobis opus etiam perficiet, atque ex ipsa humilitate nostra, illius potentiae ac misericordiae vis perfectior omnibus elucescat. Nam si quid hac temporum conditione, nostra opera ad Congreagationis Marianae incolumitatem moliri ac efficere constituit, Illum unum omnes Auctorem atque effectorem perspicient et propterea ipsi honorem ac gloriam esse tantummoda tribuendam cognoscent. Quare alacri iterum ad sustinendum hocce onus accedimus, et quo potentiore auxilio fidimus, eo majori studio connitimur, et ob ipsam muneris, ad quod appellati sumus, praestantiam, nullas quae a nobis in eo perfundendo conferri possunt, sedulitatis ac industriae partes minimas esse judicamus. Quam quidem administrationis nostrae rationem, dum assidue versamus animo, vos (qui
RkJQdWJsaXNoZXIy MjI2Mw==