-364CAPITULUM GENERALE VICESIMUM SECUNDUM in CONVENTU CORABIEVIENSI a. 1773 Litterae Innotescentiales [Prot.Ras.162] Fr Felix Strzybrski Ordinis Minorum S. P. N. Francisci Reformatorum Custos Provinciae Maioris Poloniae; S. Antonii Padvani. S. Theologiae Lector Congregationis Immaculatae Conceptae Virginis Mariae Visitator Commissarius Generalis ac in Domino Servus. Admodum Reverendis, Reverendis, Multumque Venerandis Patribus ac Dilectissimis in Christo Fratribus copiosissimam a Deo Benedictionem. Non praesumerem obtutus Vestros Patres et Fratres Vestris Titulis Ornatissimi provocare cum Regio Vate ad videndum quanta fecit Deus animae meae, nisi hac caelestis medici Sancti Raphaelis proscriptione adactus essem: Sacramentum Regis abscondere bonum est, opera autem Dei revelare honorificum est [Tob 12,7]. Honorem amplissimum Dei non mei quaero, ut benedicatis meum Deum caeli et terrae, ac coram omnibus viventibus confiteamini illi, cum Ego me in ultima inopia positum sentiam ad minimae dignitatis grates premendas pro non paucis donis ex iis, quibus aliquando dignatus est fidelissimum amicum suum Moysen supremus caeli et terrae Moderator magnificare, me indignissimum servitio vestri adoptare. Etenim commissum undis turbulentissimis huius saeculi clementissima sua Providentia extrahi et gloriosissimae reginae paupertati in Arce Seraphica curandum fovendumque tradidit. Infirutaque eius Sapientia suaviter cuncta disponente coordinatum est, ut cum uberibus gratiarum auxiliis, extincto sepultoque sub sabulo religiosae mortificationis Aegyptio camis, inquam, vitio pascorem novellum gregem, unde facultas mihi porrigeretur minandi ad interiora Deserti Mariani. Super accessit mandatum Reverendissimi Patris Generalis totius Seraphici Ordinis nostri, ut ascenderem montem sanctum Dei Horeb, ubi intueri se offeret et speculari rubus ardens absque sui laesione, typus Virginis Immaculatae Conceptae tot Dei favoribus superiorisque mandatis allectus. Vadam igitur, videbo, contemplabor visionem hanc grandem quomodo rubus iste sanctissimus igne amoris flamma zeli in cordibus vestris, ac in vivis coloribus virtutum Caelorum Regina ardeat absque ulla deficientia. Sciens autem terram esse sanctam in qua primum pedem [163] posui, abjicio calceamenta affectuum alicuius honoris commodique proprio, sed nudissima cordis sinceritate obeundo amplectar quemlibet ramum huius immaculati rubi in visitatione singulorum favente ut spero Benignissimo Numine, quam visitationem praesentibus intimatam esse cupio, utque vota mea expleantur, desidero omnes intra suos conventus reperiri, tum ut piis honestisque omnium desiderjis satisfaciam, tum ut cum singulis gaudium meum
RkJQdWJsaXNoZXIy MjI2Mw==