-363ultimum quam primum Superiores Locales praesentes Litteras receperint, Patribus et Fratribus congregatis capitulariter faciant easdem publicare, libro ad id parato inserire, et juxta cursoriam transmittere. Valete in Domino, Deumque pro me exorate. Datum in Conventu nostro Miroslaviensi ad Sanctissimam Trinitatem, die 11 mensis Maii anno a partu Virgineo 1772. L. S. Fr Adrianus Ignatowski Praepositus Generalis mpp. Ex mandato Fr Raymundus Nowicki S. T. L. Secretarius Ordinis mpp. Congregatio Generalis a. 1772 [Prot.Rasn.161] Puncta Sancita in Congregatione Annuali in Conventu Goźlinensi Celebrata, sub Praepositura Admodum Reverendi Patris Adriani Ignatowski die 5 Iulii anno 1772. lmo. Statuit ac Declarat Venerabile Assessorium, quatenus puncta sancita in Congregatione celebrata anno 1771 die 14 Julii omnimodae executioni a Reverendis Patribus Superioribus demandentur, quoad ut exactius fiat excepto praefixo tempore pro lectione punctorum destinato, nimirum in quattuor temporibus. Insuper quolibet mense hoc est prima die mensis cuiuslibet inchoando legantur usque ad finem, subsequenti vero mense iterum inchoentur a prima mensis, et sic ulterius quolibet mense, quod praecipue intelligendum est de punctis capitularibus. 2do. Cavet Ven. Assessorium, ne tam facile dispensetur lectio spiritualis tempore mensae a Superioribus, sed continuanda est lectio per integram mensam, nisi in festis lae classis ex praecepto, ac in praesentia notabilium hospitum dispensari potest. 3tlQ. Decidit Venerabile Assessorium, ut religiosis missis ab uno conventu ad alium sine mora extradantur Oboedientiales Litterae a RR. Patribus Praesidentibus, cum subscriptione diei exitus eorumdem, ne divagentur juxta proprium velle extra conventum, sed quantotius ad designatum sibi locum sub poena suspensionis a Divinis, nec non aliis, arbitrio Superioris infligendis tendere satagantur. Missis vero Patribus et Fratribus pro aliquo negotio extra conventum, determinetur tempus reversionis eorumdem ad conventum. Contra vero facientes, et non parentes dispositioni propter annexam levem apostasiam, puniantur poena Superioris expressa. Haec itaque puncta, aliaque canonice ac legitime in Capitulis sancita, rite ac exacte observanda iterum iterumque declarantur, aliter contra facientes sciant se Superiores Locales indispensabiliter in Capitulo proxime celebrando poanas severissimas subeundos. L. S. Fr Adrianus Ignatowski Praepositus Generalis mpp.
RkJQdWJsaXNoZXIy MjI2Mw==