-361Congregatio Generalis in Conventu Goźlinensi a. 1772 Litterae Innotescentiales [Prot.Mar.48] Fr Adrianus Ignatowski Ordinis Patrum Marianorum sub titulo Immaculatae Conceptionis Beatissimae Virginis Mariae Praepositus ac Visitator Generalis et in Domino Servus. Admodum Reverendis, Adm. Venerandis, Reverendis, Multum Venerandis, Venerandis, Religiosis Patribus et Fratribus dilectissimis, Salutem a Domino. Plurimum refert, quis non videt pascere oves, et hominum praeesse animabus; ibi enim satis est, ut pinguissimae et crassissime reddantur; idque spectatur, ut pastor regionem consideret fertilem ac irriguam, ad pascuaque oves agat. Homini vero praeesse alia res est, longe difficilior: necesse est enim illum, qui aliis praeesse cupit, undique argentei et aurei nummi instar circumverti; haud tam facile enim tinctoris color pannum inficit, quam celeriter praesidis malitia subditos implere consuevit; Praesidum vita censura est eaque perpetua, ad hanc diriguntur ad hanc convertuntur subditi [49], quale caput, talia et membra; inde fit, ut pernitiosius mereantur de Religione Mariana vitiosi Praesidentes, qui non solum vitia concipiunt ipsi, sed ea infundunt in subditos. Quapropter conducibile est nobis, qui aliis praesidemus, ut ante proprios passionum et aegritudinum morbos cognoscamus et curemus, quam aliorum; deinde nequaquam scio, si etiam se purum servaret ab omni peccato, seu quam maxime posset, num illud satis foret ei, qui alios regere debet; ars siquidem artium praecipua esse apparet, scientiaque scientiarum homines dirigere. Quidam enim ratione ducuntur; quidam vero diriguntur exemplis; nonnulli indigent stimulis; alii autem freno; quidam segnes existunt et non facile mobiles ad bonum, qui sermonis verberibus excitandi sunt, quibusdam laus, aliis prodesset vituperatio, si utraque tempestive adhibita forent; nonnullos adhortatio emendaret, alios increpatio; consuevere enim nonnulli admonitiones privatas contemnere, quum tamen multitudinis cognitione cohibeantur. Eos vero, qui latere putant, quoniam et hoc a quibusdam vafre fieri solet, tanquam sapientiores obmittere oportet; sunt quidam, quos satius negligere, ac tanquam videntes non videre, et audientes non audire, quo non eos ad desperationem irritemus ac assiduitate reprehensionum premamus. Sed et quibusdam irascendum est, non tamen ut irascamur, quosdam despicere oportet, non tamen ut condemnemus; de quibusdam est desperandum, at non ut desperemus. Alii autem sunt mansuetudine curandi et humanitate adhortandique, ut ad spem meliorem prompti existant. Ex his manifeste liquet Patres et Fratres amantissimi, quanta opus sit arte, quanta experientia, quanta denique virtute ad hanc praefecturam. Praeterea pulchrum est in Praesidentibus, ut praestent dementia, morumque mansuetudine, quae illos faciunt amabiles, gratiosos, favorabiles subditis;
RkJQdWJsaXNoZXIy MjI2Mw==