-355Congregatio Generalis in Conventu Rasnensi a. 1771 [ProtRas.154] Litterae Innotescentiales Fr Adrianus Ignatowski Ordinis Patrum Marianorum sub Titulo Immaculatae Conceptionis Beatissimae Virginis Mariae Praepositus ac Visitator Generalis et in Domino Servus. Adm. Reverendis, Admodum Venerandis, Reverendis, Multum Venerandis, Venerandis, Religiosis Patribus ac Fratribus Benedictionem ac Salutem a Domino. Audivimus Superioribus diebus istis Patres ac Fratres ornatissimi Dominum Nostrum Jesum Christum vere mortuum: vere resurexisse tertio die. Et quidem non semel post passionem suam, sed frequenter se redivivum discipulis suis exhibuit, nempe per quadraginta dies apparens illis, quibus non solum sese praebuit conspiciendum oculis, audiendum auribus, contrectandum manibus, verum et in certissimum vivi corporis argumentum, cum illis vivens cibum una capiebat. Deinde praecipit illis ab Hierosolymis ne discenderent, sed illic congregati, simulque vacantes jejuniis et orationibus expectarent Spiritum Sanctum, quem antequam moreretur promiserat illis alterum Consolatorem a Patre mittendum. Postremo itaque hoc sermone Christi cum discipulis suis consummato, elevatis manibus ferebatur in caelum, donec nube candida gloriosum Iesu Christi Corpus Illorum aspectui subduceret. Ipsi vero non obliviosi auditores verborum Iesu, relicto monte olivarum reversi sunt Hierosolimam, et intrantes ascenderunt Caenaculum ubi manebant discipuli, qui Christo prae caeteris familiarius adhaerebant; in quo non rixis aut fabulis otiosis tempus transigebant, sed erant omnes unanimiter perseverantes in orationibus, corde, et ore dicentes: Veni Sancte Spiritus, reple tuorum corda fidelium, et tui amoris in eis ignem accende. Quod sane mysterium proposito nostro arridere videtur. Cum enim multa a majoribus nostris divinitus inventa sint et instituita graviter, hoc tamen praeclarius quod pro nostro qualicunque Mariano proposito in sua virturtute, atque decore conservando in unum locum quotannis convenire asuevistis, ubi omnium rerum nostrarum, vigor, disciplina, dignitas, omnis rationalis nostri gregis incrementum et salus huic vestro tam digno conventui videatur esse concredita. Quocirca, ut ea, quae recta sunt et justa, inibi agere valeamus in spiritu humilitatis et animo contrito Deum prae oculis habentes, rogemus et deprecemur, ut aeterna illa Sapientia, quae instituendis et continendis rebus attingit omnia fortiter, et in beandis et ordinandis affectibus disponit omnia suaviter, dirigat actus nostros, prout praesens nostra necessitas exigit. Porro cum complerentur dies Pentecostes erant omnes discipuli pariter in eodem loco, et quem antea promiserat Iesus Christus
RkJQdWJsaXNoZXIy MjI2Mw==