-351- [Prot.Ras.152] Puncta Capitularia a. 1770 Sancita in Conventu Korabieviensi sub Praesidio Reverendissimi Patris Ludovici Wrześniewski Commissarii Generalis Ordinis S. Patris Francisci Reformatorum Ex Definitoris Majoris Poloniae S. T. L. Actualis Guardiani Conventus Szczavinensis Anno 1770 die 6 Iunii. Puncta ordinare et ea executioni non demandare, quid est aliud quam multiplicare entia sine necessitate. Ideoque Venerabile Assessorium stricte praecipit, ut omnes Ordinationes Capitulares anteactae et praesentes sub amissione benedictionis Divinae prout innixae regulae statutis rite observentur. lmo. Quoad cultum Divinum specialissime in omnibus nostris ecclesiis recommendatur animadversio RR. PP. Praesidentibus, quapropter decidit Venerabile Assessorium, ut qualibet septimana renovetur SS. Sacramentum, idque vitando corruptionem particularum juxta exigentiam loci. 2do. Curent Superiores Locales tempestive quolibet anno procurare olea sacra, ne per negligentiam eorundem fiat aliqua irreverentia tanto sacramento. Tum, modo quando processiones fiunt in nostris ecclesiis, debent omnes assistere. 3tto. Chorus non negligatur, immo pro posse obligantur omnes Patres modo officiales adesse choro, ne Laus Divina fraudetur, vel Junioribus distracte et indevote persolvatur. Patres Concionatores tenentur modo frequentare chorum quolibet die Missaque conventualis persolvatur suo tempore nempe immediate post Tertiam. 4to. Ad mensam canonicam campanula vocati omnes tempestive, compareant religiosi, ne expectantibus loco refectionis, fiat molestia. 5to. Recollectiones octiduanae sat in Constitutionibus et Ordinationibus designatae ab omnibus religiosis nemine excepto praeviis in Capitulis vel Congregationibus exhibitis testimoniis a Superioribus absolventur. 6to. Superioribus localibus tenetur praestare oboedientiam integra communitas modo Admodum Reverendi, Admodum Venerandi Patres in qualicunque officio existentes propter debitum ordinem servandum. 7mo. RR. PP. Praesidentes nequaquam praesumere audeant disponere quidquam absque Discretorio conventus, neque Patres Discreti absque consilio Assessorii.
RkJQdWJsaXNoZXIy MjI2Mw==