-347Quintum. Cavet Venerabile Assessorium, ne regestra fabricae tam perceptarum, quam expensarum commisceantur cum regestris conventus, sed sint seorsiva apud praefectum fabricae, et ubi non habetur fabrica, proventus ex capellaniis conserventur in seorsivo regestro notentur. Quoad materiam habitus observetur omnino Constitutio Cap. 2, puncto 6. Nec liceat cuiquam religiosorum liceat summas pecuniae etiam in suum commodum collectae saecularibus ad provisionem dare sub amissione totius summae. Fr Hyacinthus Iterato Praepositus mpp. L. S. Fr Alexander Mraas S. T. L. et Secretarius Ordinis mpp. CAPITULUM GENERALE VICESIMUM PRIMUM in CONVENTU CORABIEVIENSI a. 1770 Litterae Innotescentiales [Prot.Ras.147] Fr Ludovicus Wrześniewski Ordinis Minorum S. P. N. Francisci Reformatorum Sancti Antonii Paduani Almae Provinciae Maioris Poloniae ex Definitor, Theologus, Praedicator Emeritus, Convento Szczavinensis Guardianus Actualis, nec non Inclitae huius Congregationis Immaculatae Conceptionis Beatissimae Virginis Mariae Commissarius Visitator Generalis ac Humilis in Domino Servus Servorum eiusdem Deiparae Virginis Mariae. Admodum Reverendis, Reverendis, Multum Venerandis, Venerandis Patribus, ac Dilectissimis in Christi ac Virginis Matris Mariae Visceribus Fratribus Salutem et uberrimam a Deo Benedictionem. Quam victoriosa, quam triumphans sancta oboedientia patet oculis omnium in triumphis resurgentis Domini Nostri Iesu Christi. Suscepit namque in se Filius Dei Onus a nulla creatura supporttabile Redemptionis Nostrae, sed non aliter suscepit nisi ex voluntate Patris sui Aeterni: Non mea, sed tua fiat voluntas, ut pro inoboedientia primi protoplastis nostri satisfaceret sua oboedientia. Reportavit itaque victoriam de inimico infernali totius generis humani, vicit feliciter mortem temporalem. Ex his ergo reportatis triumphis optatissimam et iucundissimam universo orbi jam annuntiavit pacem ut fructum sui certaminis. Haec tamen triumphalia felicissima sciamus nobis exempla esse proposita ad pacem aeternam acquirendam, nam pax bello acquiritur. Loquitur enim nobis Triumphator noster Quemadmodum ego feci, ita et vos faciatis. Nemini mortalium in dubio est vitam hanc praesentem militiam esse super terram, teste speculo patientiae Jobo. Nullus etiam negabit summe nesessarium esse indefessa cum vigilantia excubias agere, ne socordium quispiam ex hostium insidii illaqueatus in viam Cain abducatur. Quantum libet enim caste et sobrie haec vita ducatur quodam tamen pulvere terrenae
RkJQdWJsaXNoZXIy MjI2Mw==