-341jure naturae adstringi ad studendum bono communi meliori, et jure divino obligari saluti proximi consulere, velle prodesse et non obesse. Rigidum Dei judicium comminamur ei futurum, qui sinistra deferret, et vera celaret. Propterea Reverendi Patres Praesidentes sint parati omnium sibi concreditorum dare rationem, debita tempestive expungere religiosis solaria ante adventum nostrum pacificare, regestra conventus debite numerata, a PP. Discretis subscripta, cum juramento de applicatis et persolutis missis, atque regestrum seorsivum earum respective persolutarum tum per decursum anni missarum perceptarum et remanentiae earum cum proportione stipendiorum per iisdem relictorum, tum denique resignationem proprii officii ad Congregationem proxime imminentem transmittere satagant. Insuper regestra proventuum ex capelaniis et expensarum in reparationes conventus rite connotata comprobabunt juxta puncta capitularia num. 29. Denique procurabunt testimonium a PP. Discretis de integra observatione punctorum persolutione recolectionum juxta punctum capitulare num. 3. Demum solicitudinem erga reparationis factam conventus, scripto connotatam in nostra Canonica Visitatione proxima nobis producere tenebitur quivis R. P. Praesidentes loci juxta punctum capitulare num. 30. Tum vel maxime recommendatum facimus RR. PP. Praesidentibus singulariter Eremi Corabioviensis, Gorensi, Goźlinensi, Skórcensi, ut inscriptiones authenticas fundacialium missarum in unum fascem collectas cum seorsiva specificatione obligationum census percepti, vel retenti; ut desuper per Venerabile Assessorium possit haberi animadversio, ideo ad proximam Congregationem omnia praefata requisita secure transmittere non negligant. Denique RR. PP. Lectores fidele testimonium de studiosorum suorum capacitate, applicatione, pietate et moribus ad eandem Congregationem transmittere tenebuntur. Eligimus autem pro imminenti annuali Congregatione celebranda Conventum nostrum Goźlinensem, actui illius praefigendo diem 19 Iulii, pro cuius Congregationis legitimo actu celebrando, uti de Jure competit humanissime invitamus Adm. Reverendos in Christo Patres Congregationis, Adm. Venerandos Patres Assistentes, qui triduo ante praenominatum diem in supradicto conventu, ut adesse dignentur optamus et postulamus. Aliis vero omnibus ad eundem conventum sub diem tempus accessum praepediendo sub poenis arbitrio nostro ferendis. [36] Ut autem ille actus votis succedat secundis consueta de more pietatis suffragia, auxilii Divini imploratoria, a praesentium litterarum intimatione, in choro inchoanda, et ad diem laudati actus devote continuanda, sedulo recommendamus, nempe post Tertiam et Vesperas. Ipso demum actus celebrandi die, RR. PP. Praesidentibus injungimus, ut sive per se sive per alium Missam de Spiritu Sancto votivam decantari curent, in qua Clerici et Fratres Conversi, omnes publicam sumant Comunionem. Privatis item in Missis eodem die omnes et singuli sacerdotes nostri collectam de Spiritu Sancto adjungendo non intermittant pro feliciori salubriorique intenti operis eventu.
RkJQdWJsaXNoZXIy MjI2Mw==