-3391766. Sigillo Ordinis munivimus propriam desuper manum apponendo. Fr Hyacinthus Wasilewski L. S. Praepositus Generalis mpp. Fr Alexander Mraas S. T. Lector et Secretarius Ordinis. Congregatio Generalis in Conventu Goźlinensi a. 1767 [Prot.Mar.34] Litterae Innotescentiales Fr Hiacinthus Wasilewski Ordinis PP. Marianorum sub titulo Immaculatae Conceptionis Beatissimae Virginis Mariae iterato Praepositus ac Visitator Generalis, et in Domino Servus. Admodum Reverendis, Admodum Venerandis, Reverendis, Multum Venerandis, Venerandis, Religiosis Patribus ac Fratribus in Christo ac Magnae Matris corde Dilectissimis Salutem et Marianam Benedictionem. Nullum profecto Misteriorum erat Dei-Hominis nobiscum commorantis, quod specialioribus camisset arcanis, in salutem nostram colineantibus; id ipsum luculentissime se prodit, quodammodo in ultimo; dum sublimia caeli conscensurus sedemque suam a Dextris Dei fixurus, praesentibus Apostolis, Discipulis et Sanctissima Matre, congregatis nempe in unum, quadragesimo post suam anastasim die, videntibus illis elevatus est, et nubes suscepit eum ab oculis eorum. [35] contestante illo: Ascendo ad Patrem meum et Patrem vestrum, Deum meum et Deum vestrum; nam exivi a Patre et veni in mundum, iterum relinquo mundum et vado ad Patrem. Docere sane nos volens Optimus Salvator, non mansuros orphanos, quoniam Dulcissimam Matrem nobis reliquit in solamen et inclitum tutamen, cuius protectioni nos integerrime sacramus, captivam desuper ducendo captivitatem, dando dona hominibus (quibus utinam nunquam abutamur), et elevatis manibus benedixit; nam qui ascendit in caelos ait Divus Leo lmus non deserit adoptivos. Alterum, ut bene perpendit Divus Bonaventura, cur cum susceperit nubes, reponit: Sicut nubes ascendit, utpostmodum pluat, sic Christus, ut dona sua mittat; quoniam missurum se nobis Spiritum Sanctum appromittit, dicens: "sinon abiero, Paraclitus non veniet, qui doceret vos omnia. Quo dono mihi dignius, atque ad nostram sanctificationem optabilius nobis exhibere potuit. Tertium. Demum Divus Bernardus animadvertit inquiens: Hoc misterium est felix clausula totius itinerarii Christi Filii Dei. Illud vel maxime proposito arridere nostro arbitramur; cum expediat et nobis, ut a modo in nomine eius eamus, et fructum afferamus, et fructus noster maneat, iter nempe faciendo ei, qui ascendit super occasum, Dominus enim nomen illi, et quo caput praeisse cernimus, illi ne
RkJQdWJsaXNoZXIy MjI2Mw==