-331ad exequendum traditae, tum pro extirpatione defectuum nocivorum et ad relaxationem ordinis disponendum, tum pro maiori aculeo in tendentia ad perfectionem regularibus debitam, iam quoque pro maiori decore, augmento et ampliatione in Ecclesia Catholica Ordinis nostri sub titulo Immaculatae Conceptionis B. V. Mariae Congregationis Polono-Marianae in Capitulo nostro celebrato, in Conventu Rasnensi ad S. Annam, sub praesidio religiosissimi Patris Dyonizii Sydry Ordinis Minorum S. Patris Francisci Reformatorum S. Theologiae Lectoris, et Exprovincialis Provinciae Minoris Poloniae, Conventus Varsaviensis Guardiani, item sub Praepositura A. R. P. Hyacinthi Wasilewski iterato Praepositi Generalis ac Visitatoris Ordinis Nostri sancitae et latae die 24 Augusti Anno Domini 1766. lmo. Reverendi Patres Praesidentes memores sint Constitutionum Clementis Vm, capite Nullus omnino de reformatione regularium, ut pro posse satagant choro adesse, impediti autem negotiis aut oeconomica, ad minimum videant, invigilent et attendant, aliis ut omnes choro addicti adsint praesentes in communibus devotionibus, scilicet in meditationibus, Rosariis, vespertino examine et disciplinis aut tale invigilantia alicui exofficialibus commitant. 2do. In Choro semper adsit aliquis Pater Senior aut officialista, ut sit completus et ne Laus Divina fraudetur, aut a iunioribus indebite persolvatur. Suo tempore ad cummunes devotiones pulsetur, etiamsi ob aliquem casum non possent persolvi aut ob absentiam religiosorum. PP. Concionatores obligantur frequentius choro adesse omni haebdomada. Litaniae, benedictiones ad mensam et Rosaria non nimis properando ast lento tractu dicantur, ut incipienti reliqui possent debite respondere. 3tlD. Satagant RR. PP. Praesidentes, ut eorum exemplo quotannis quilibet religiosus tempestive recollectiones octoduanas absolvat praecipue tempore hiemali Adventus et Quadragesimae de ordinario. Denique PP. Discreti locales praebeant testimonium ad Capitulum et annuas Congregationes de tali exercitio pio ab omnibus persoluto. Qui autem ante modernum Capitulum illud omiserunt, iniungimus ut suppleant in opere anni praesentis obligationem post Festum Omnium Sanctorum, non computando annum sequentem cum moderno. Denique quotidie Missam conventualem PP. ac FF. legitime non impediti integram audiant applicando devotionem pro benefactoribus iuxta antiqam praxim. Conciones demum non negligentur audiendae praesertim a Clericis et Fratribus Conversis. 4to. Superiores attendant ad suorum subditorum necessitates, et tempestive easdem providere studeant juxta statuta Cap. 10mo, N" 8VO. lidem diligentem infirmorum curam habeant, et omnia necessaria eis providere tenentur praesertim iis, qui vitam in laboribus religionis exegerunt, juxta Statuta Cap 7mo, N° 2do. Quique sabbativas seu correctiones religiosorum omnino habeant diebus singulis Sabbati
RkJQdWJsaXNoZXIy MjI2Mw==