-329auctoritate mihi commissa, quatenus ad praesentiam me quilibet ex religiosis praedictae Congregationis in sibi assignato conventu compareat, suaque desideria confidenter exponat non cum odio, aut inimicitia privata, aut etiam ex appetitu vindictae, ast potius ex amore sincero Fratris, ex zelo demum pro observantia conservanda, eaque manutenenda, ex motivo deinde incrementi Sacri Ordinis, ex fine extirpandi relaxationem, defectus, si qui irrepserunt impuniti, aperire non erubescant. Quo tamen in passu eloquia vestra, eloquia sint casta absque maculis detractoriis; et sine nigredine laesionis injustae. Argentum quoque fiat igne examinandum in lima iusti [iustitiae, Goźl\, ore suo meditantis sapientiam et lingua exprimentis judicium. Cum denique absque haesitatione credam, et prudenter sperem, vitam vestram religiosam institutam pro imitatione virtutum Beatissimae V. Mariae fore conformem sub praescripto porrecto singulis huius Congregationis alumnis, a Venerabili Patre sanctimonia conspicuo Institutore, eloquiaque Regulae ab eo ad observandum traditae, perseverare casta ad usque, [130] et in nullo puncto a nitore suo defectuosa. In simili quoque candore eloquia Constitutionum Vestrarum frequentissime in auribus vestris, veluti sonora tuba personantia, quo ad effectum observationis earundem perseverent. In pari denique splendore eloqui conscientiarum vestrarum conserventur, prae munditia earum et cordium in amore Dei, ac custodia legum flagrantium, ac remorsus anxios compunctione ac emendatione in eis consumentia. In simili quoque castimonia eloquia ac mandata Superiorum vestrorum, eloquia insinuantia Regulas virtutum prosequendarum; eloquia permoventia ad perfectionis studium et augmentum non deficiens, auscultentur, ac custodiantur. Nihilominus ex munere meo taba cuncta scrutari obligor, pro doctrina mei, pro religionis encomio, pro iubilo, majori honore, decore, ac gloria Venerabilis Fundatoris, ejusque religionis cultu. Ad extremum cum Vos Religiosi Dilectissimi ostendit Deus hoc novissimo saeculo intra viscera terrae Polonae argentum (rarum in orbe) inventum, depuratum tam interne quamque ad externum habitum, appretiativum coram Deo, et hominibus, non denique vitiatum, aut variatum, optima forma, pietati ac exemplari vita jucunde sonorum, cum sitis argentum variarum pressurarum ac molestiarum igne crebrius examinatum, argentum doctrina et sanctimonia variorum virorum politum ac condecoratum argentum purgatum a saeculi vanitatibus, figuris et vitiis. Terrae nostrae Polonae et Ecclesiae Sanctae proficuum, in eaque ac in Regno Portugaliae probatum, ac ubique auro pretiosius. Igitur in tali stabili pondere, valore et pretio sicut cupro vos videre, ita in posteriora saecula perdurare tanquam singulare metallum insignitum imagine Reginae Caeli et Terrae. Cuius virtutum formam imitamini, et figuram earum
RkJQdWJsaXNoZXIy MjI2Mw==