-3,27 - Capituli quilibet Reverendus Pater Praesidens ad Capitulum deferet, scarbona autem obseranda est duplici serae, clavim unam retinebit Adm. Reverendus Pater Praepositus Generalis, alteram Admodum Venerandus Pater Assistens Primarius. 5to. Renovatur punctum toties repetitum contra exprobrantes defectus Patrum aut Fratrum, jam semel correctos et iisdem improperantes publice etiam coram saecularibus, tales poena talionis per Venerabile Assessorium decernuntur puniendi. L. S. Fr Hyacinthus Wasilewski Praepositus Generalis mpp. [Fr Alexander Mraas Secretarius Congregationis mpp., GoźL] CAPITULUM GENERALE VICESIMUM in CONVENTU RASNENSI a. 1766 Litterae Innotescentiales [Prot.Ras.127] Fr Dionysius Sydry Ordinis Minorum S. P. Francisci Reformatorum Provinciae Maioris Poloniae Exprovincialis Sacrae Theologiae Lector, Conventus Varsaviensis Guardianus, ac Congregationis Immaculatae Conceptionis B. V. Mariae Polono- Marianae Commissarius Visitator Generalis ac humilis in Domino Servus. Admodum Reverendis, Admodum Venerandis, Reverendis, Multum Venerandis, ac Venerandis Patribus, Religiosisque Fratribus Ordinis Immaculatae Conceptionis B. V. Mariae Congregationis Polono-Marianae Salutem et uberrimam a Deo Benedictionem. Eloquia Domini, eloquia casta, argentum igne examinatum, probatum terrae, purgatum septuplum [Ps 11,7] omnes verae fidei lumine illuminatos informant, atque macula peccati eclipsatum intellectum hominum illustrant, quatenus Deum Infinitum, verum ac Summum Bonum agnoscant, Supremum Creatoris Dominium adorent, ac voluntati ejus, utpote Regis Domini absoluti, Gubernatoris, ac Patris universae humanae propaginis, promptissime pariant, beneplacito oboediant, ac illius gustui suum velle conforment, omnisque creaturae rationalis dignitas, tum sublimitas, tum status, et quaevis conditio eidem obtemperet ac subiciatur. Ipsa etenim infallibilis in natura humana latens veritas nos edocet, ut perficiamus Dei voluntatem, ita in terra, sicut impletur a beatis in caelo; talisque oboedientiae erga Patrem in Seipso documentum praebuit, nobisque exemplum reliquit, cum in arduissimo salutis nostrae opere suam voluntatem resignavit in Patris aeterni beneplacitum in potatione suavi, pleni amaritudine calicis: verum tamen non mea, sed tua fiat voluntas.
RkJQdWJsaXNoZXIy MjI2Mw==