-326Congregatio Generalis a. 1765 [Prot.Rasn.119] Puncta Sancita in Congregatione Annuali in Conventu Skórcensi celebrata sub Praepositura Adm. Reverendi Patris Hyacinthi Wasilewski die 22 Iulii Anno Domini 1765. lmo. Habita per Venerabile Assessorium animadversione, piissima super vitium ebrietatis maxime pullulans ex potu cremati, tot punctis vetitum, atque iterum inter nonnullos confratres irradicatum, ne incrementa sumat, quinimo penitus in futurum eradicetur. Obviando itaque huic vitio decrevit Venerabile Assessorium contra scandalose se inebriantes Patres ac Fratres nostros, ut si non servata modestia religiosa aliqui Superiorum Localium in hoc abominabile vitium se praecipitem fecerit et scandalose inebriaverit, cum primum commiserit scandalum, illico a Discretorio vel tota communitate per litteras Adm. Reverendo Patri Praeposito Generali deferatur, qui sive per se, sive per viciniorem Adm. Reverendum Patrem Congregationis eundem Superiorem juridice convictum officio privabit, juniorem [digniorem, Gożl\ in locum ejus substituendo. Reliqui vero Patres ac Fratres hoc vitium aberrantes poena carceris mancipentur pro qualitate scandali. 2do. Consulto praecipit Venerabile Assessorium, ut Superiores Locales nil inconsulto Discretorio circa negotia communitatis, sive oeconomica, sive monastica, proprio arbitrio disponere attentent, sed omnia agant conveniente et consulente Discretorio. 3Ho. Itinerantes Patres aut Fratres nostri de Conventu Berezdoviensi ad conventus nostros in Polonia sitos, ex commiseratione Venerabilis Assessoriii hoc experturi sunt levamen, ut si digniorum Patrum quis inde transferatur ad alium conventum, pro via ex communi accipiat florenos [triginta, Goźl} si demum ex caeteris junioribus accipiat a Conventu Berezdoviensi florenos 20, ex Polonia vero tendentibus pro mansione ad Conventum Berezdoviensem, conventus ille, de quo pedem movebunt, unicuique indiscriminatim florenos 12 pro via conferre tenebitur. [120] 4to. Providendo communi ordinis et prompte in occurentibus necessitatibus medelae statuit dignissima animadversione, Venerabile Assessorium charitativam collectam ad massam communem congregandi, pro cuius augmento quilibet conventus noster servata proportione annue contribuere tenebitur, nempe Conventus Korabieviensis aureos in specie duos, Conventus Skórcensis duos, Gorensis unum, Goźlinensis duos, Rasnensis tres, Mariampolensis tres, Berezdoviensis duos, Residentia Miroslaviensis unum. Quos aureos Adm. Rev. Pater Praepositus Generalis tempore Canonicae Visitationis ab unoquoque conventu repetet. Tempore vero
RkJQdWJsaXNoZXIy MjI2Mw==