-303Supremus Omnium Creator et Moderator Deus, cui serviunt cuncta, oboediunt singula, ad nutum pavent universa manuum eius opera, dilecto a se unice generi humano, quod primis in parentibus ei non obtemperando et oboediendo mandatis recalcitraverat, exindeque supremae ruinae aeternum subiecto medelam exhibens, coaeternum ac in omnibus coaequalem sibi misit Filium, qui formam servi accipiens, factus in tempore Deus Homo, Salvator Noster, missus a Patre ad visitandum, corroborandumque illud lassatum in via iniquitatis genus humanum, curam suae visitationis contestatus est illis verbis: Veni, non ut faciam voluntatem meam, sed voluntatem ejus, qui misit me Patris. Et ego cum venissem ad vos, longe a transgressione mandatorum Dei in strictissima regularis observantiae custodia constitutos, in viis virtutum continua exercitatione indefessos Admodum Reverendos Reverendos Multum Venerandos Venerandos Paties et Fratres Dilectissimos huius Florentissimae ac Inclitae Congregationis Ordinis Immaculatae Conceptionis Beatissimae Virginis Mariae, veni, non ut faciam voluntatem meam, sed ejus, qui misit me Patris, ac Superioris omnium nostrum honorandissimi, in Cismontana familia Commissarii Ordinis Generalis, qui mihi mandavit hanc suam voluntatem, ut ad Vos, hancque Florentissimam et Inclitam Congregationem venirem, illius Commissarius Visitator. Porro haec est voluntas eius, qui misit me Patris Honorandissimi, sanctificatio vestra, scilicet ut de vestra sancta conversatione, sancta appromissae regularis vitae observantia, sancta a vobis legum generalium ac municipalium executione, alias bene certus, et per me clarius informatus, de vobis gaudeat et laetetur. Oliiii jussu Dei Samuelem venientem ad visitandum Bethleem pro inungendo David in ducem regem et principem populi, in domo Iesse seniores gentis, primo de pace interrogantes: Pacificusne est ingressus tuus? Pacis promissionem resultati audierunt: Pacificus. Non alius et noster ingressus in hanc Sacratissimam Marianam Congregationem, nisi pacificus, ad immolandum enim Domino venimus; venimus namque ut nosipsos victimam oboedientiae immolemus, supremo Cismontanae Familiae Capiti Superiori [104] Honorandissimo, qui immeritae tenuitati nostrae Adm. Reverendas Reverendas Multum Venerandas Paternitates ac Dilectissimas Fraternitates Vestras visitandas demandavit Tum venimus, ut immolemus Deo sacrificium laudis, scilicet de vestra erga Deum pietate, erga regularem observantiam exactissima vigilantia, erga omnes qui foris sunt exemplaritate (de quibus speramus nos aedificandos) Dominum laudaturi: Venimus ad huius florentissimae ac Inclitae Congregationis Canonicam Visitationem Commissarialem, quam praesentibus omnibus et singulis intimamus, et intimatam esse volumus, ut reddamus Altissimo vota nostra, qua non alia sunt, nisi ut omnes et singulos digno pro meritis honore veneremur, ut omnibus et singulis in seraphico affectu salutatis, paterna propensione prosimus, et serviamus. Haec vota nostra sunt, quae de nobis indignis reddere cupimus Altissimo ut quantum nobis charitas et auctoritas permittet, omnium justis votis satisfaciamus,
RkJQdWJsaXNoZXIy MjI2Mw==