-275Et quoniam in futuris actionibus Capitularibus nil aliud intendo, quam Dei Ter Optimo Maximo Gloriam et huius Congregationis Polono-Marianae decus et incrementum, nec non omnium diarissimo rum Patrum et Fratrum commissioni meae subiectorum consolationem, et satisfactionem, et ut electio fiat digniorum Superiorum, qui zelo, charitate, prudentia, discretione, pietate et suavitate, ac praecipue exemplo bono gubernent. Idcirco, ut Deus has Capitulares et reliquas actiones aspirando praeveniat, et adjuvando prosequatur, ordino, ut a die perceptionis et publicationis harum, post singulas Vesperas et Laudes dicatur hymnus Veni Creator Spiritus cum solitis versiculis et collectis. Ipso vero die capitulari post Primam decantetur Missa de Spiritu Sancto in qua Clerici et Conversi praemissa Sacramentali Confessione Sacrae reficiantur Synaxi; Sacerdotes reliqui in Missis addant collectam de Spiritu Sancto. Et ut haec ad omnium eveniunt notitiam, volo ut Superiores Locales, quam primum has obtinuerint, ocius in communitate publicari ac vernacula lingua explicari faciant, annotatam receptionis et publicationis die, secura occasione ad proximum monasterium juxta seriem a foris scriptam transmittant. Tandem [84] calamitosis, periculosis et bellicosis hisce temporibus per viscera Misericordiae Dei nostri commendo ardentibus precibus, efficacibus suspiriis et quotidianis Missae Sacrificiis Sanctissimum Dominum nostrum Benedictum XIV nec non Serenissimum Regem Nostrum Augustum III cum Sua Tota Serenissima Familia, totiusque Republicae Christianae Catholicae Statum, mei quoque Vestri indignissimi Servuli memores estote. Datum in Monasterio Nostro Koraboviensi die 23 Julii 1757. L. S. Fr Franciscus Karski Reformatorum Commissarius Generalis ac Visitator mpp. n [Prot.Ras.84] Fr Franciscus Karski Ordinis Minorum Sancti P. Francisci Reformatorum, Almae Provinciae Majoris Poloniae S. Antonii Paduani, Theologus, Praedicator ac Definitor Actualis, Congregationis vero sub titulo Immaculatae Conceptionis Beatissimae Virginis Mariae Polono-Marianae Commissarius Visitator Generalis, et humilis in Christo Servus. Admodum Reverendis, Reverendis, Suisque titulis insignibus Patribus, Caeterisque eiusdem Instituti et Congregationis Religiosis Fratribus, Nobis in Christo Dilectissimis Seraphicam Salutem et Divinam Benedictionem. Quoniam Manus Domini tetigit hanc Inclitam Marianam Congregationem cum summo cordis mei dolore per conflagrationem Conventus Skurcensis, ubi celebrandum pro quarta Septembris assignavi Capitulum, ideo ob hanc fatalitatem praesentibus meis Enclicicis [=Encyclicis] Litteris Conventum Rasnensem pro
RkJQdWJsaXNoZXIy MjI2Mw==