-268praesidentiae quilibet Superior Localis. Recommendatur PP. Lectoribus tam Sacrae Thaeologiae, Philosophiae, quam Moralis capacitatem suorum sibi commendatorum studiosorum testimonia conscientiae nobis adhibeant in scripto sigillato, ut sonant ordinationes capitulares. Item curabunt Reverendi Patres Superiores Locales, Patres et Fratres facta intimatione visitationis meae quoad reditionem habitus et aliorum necessariorum unicuique secundum puncta capitularia, quam etiam familiam domesticam, ne turber querelis tempore illo. Item utrum omnes absolverint recollectiones, si autem aliquis non absolverit, hic et nunc absolvat. Ut autem hae litterae meae omnibus innotesceant, curabunt RR. PP. [Superiores] Locales eas tempore mensae legi, et ad intelligentiam unicuiusque et ad librum ad id paratum ingrossari, tandem subscribendae se intus in his meis innotescentialibus de facta lectione, et ingrossatione sine mora fidelem aliquem cursorem ad proximiorem conventum has meis patentales transmittant in coperto sigillato cum subscriptione ad Superiorem conventus proximioris. Praeterea ut bibliothecam et sacristiam juxta regestra bene compositas. Et quoniam haec visitatio absque Divino adiutorio fieri nequeat, quapropter pro meliori incremento Congregationis et unicuiusvis desiderio facta publicatione in dies Divina Majestas mane post Tertiam tempore Conventualis Missae, Vesperis vero, finito Matutino per hymnum Veni Creator Spiritus cum verso et oratione, nec non de Immaculata Conceptione cum oratione Defende quaesumus. Tempore vero actus Congregationis quilibet Superior Localis curabit Missam Votivam decantari et omnes Sacerdotes in suis privatis Missis collectam apponent de eodem Spiritu Sancto. Fratres vero Clerici et Laici confitebuntur, et sub eadem Missa Sacram Synaxim sument, ut Deus benedicere dignetur actus huic. Valete in Domino et orate Deum pro me pecatore. Datum in Conventu nostro Rasnensi sub titulo S. Annae die 16 Maj cum appositione Sigilli Congregationis Anno Domini 1755to. L. S. Cajetanus Wetycki Praepositus Generalis mpp. Congregatio Generalis [ProŁRas.81] Puncta Congregationis Annualis in Conventu Goźlinensi die 28 Iunii Anno Domini 1755 celebratae 1. Statutum est per Venerabile Assessorium, ut RR. PP. Praesidentes nullum suspendere valeant ex Subjectis suis sine Discretorio et indagatione causae, aliter si praesumpserit, et aliquem solo sine Discretorio suspendere voluerit, talem suspensionem Venerabile Assessorium annihilat et invalidam facit.
RkJQdWJsaXNoZXIy MjI2Mw==