-21 - capitulariter et legitime congregatos Anno Domini 1706 die vero 8 mensis Februarii canonice et rite celebrata in qua quidem electione Reverendus Pater Constantinus a Sancto Casimiro habuit vota duo, Admodum Reverendus Pater Joachimus a Sancta Anna habuit vota tria, Reverendus Pater Jacobus habuit vota tria. Et ego Pater Constantinus Disquisitor nomine omnium qui in dictam electionem convenerunt et consenserunt praefatos Patres videlicet Admodum Reverandum Patrem Ioachimum a Sancta Anna, et Admodum Patrem Jacobum a Sancta Anna, Assistentes Praeposito Generali canonice electos nomino et sic electos denuntio, In Nomine Patris et Filii et Spiritus Sancti Arnen. Ita est: Pater Constantinus a S. Casimiro Scriba et Disquisitor mpp. Ita est: Fr. Norbertus Reformatus Praesidens Capituli mpp. Et quoniam Admodum Reverendus Pater Cyprianus a S. Stanislao electus Praepositus unius Mensis sui Officii morte insperata finem posuit, ideo Admodum Reverendus Pater Joachimus a S. Anna uti primus Professus et Assistens cum consensu unanimi Fratrum triennium complevit. Quo completo pro futuro Capitulo Electionis novi Praepositi binas ordinavit instantias, tam ad Venerabile Definitorium Admodum Reverendorum Patrum Reformatorum Provinciae S. Antonii Majoris Poloniae, quam ad ipsum Reverendissimum Commissarium Romam ejusdem Familiae Reformatae. Quarum talis est tenor. CAPITULUM GENERALE TERTIUM in CONVENTU GOŹLINENSI a. 1710 [Prot.Ord.174] Pro tertio Capitulo Adm. Reverendi Rev. in Christo Patres et Patroni Nostri Colendissimi. Minima nostra in Regno Poloniae novella Immaculatae Deiparae Virginis plantata Religio, etsi fulgidissimo Nominis (quod est amictum lumine sicut vestimento, cui vocationis suae signa debet) insignita et decorata est splendore, non auderet tamen in aprico Sanctae Ecclesiae aliter conferere nisi primo in primaeva sui in vinea Christi excollenda a gremiatione ferme genitivum suum ex Sacro Serafico Ordine derivaret, assumeretque lumen, ac post Admodum Reverendi Patris Ministri Provincialis ac Reverendi Patris Mansueti actualis Sacrae Theologiae Lectoris in Instituto Nostro ac omnimodae Religionis observantiae, vigili curae, ac infatigabili labori, et studio aeternam Almae Provinciae Admodum Reverendorum Paternitatum Vestrarum sentiret, aut praeferret gratitudinem. Unde quidquid radius suo Soli; rivulus fonti, palmes suae debet viti, hoc totum minima Religio Nostra in originali sui Instituti approbatione Sacro Seraphico Ordini. Nos vero in Spiritu et vocatione qua vocati sumus, dulci enutriti educatione, favori gratiae Patrocinio ac singulari benevolentiae Provinciae Admodum Reverendarum Paternitatum Vestrarum indelebili [175]
RkJQdWJsaXNoZXIy MjI2Mw==