-252Extendimus hoc mandatum ad eos qui vellent extra terminos quaestae suorum respective conventuum commorari, etiamsi licentias ad hoc antea obtinuerint, sed omnes et singuli sint in suis conventibus maxime die capituli. Ex quo autem actiones capitulares singulare auxilium a Deo praerequirunt, ut felici gaudeant et coronentur effectu, devotissime Supremum Numen implorandum et exorandum est, in quem finem recommendamus omnibus Patribus et Fratribus Visceribus Dilectissimis, ubi juxta praescriptum legum Vestrarum a die publicationis praesentium hymnum Veni Creator Spiritus, cum versibus et orationibus dicant post Matutinum et Vesperas; ipso vero die Capituli omnes Sacerdotes missas suas applicabunt pro felici successu Capituli, Fratres vero Clerici et Laici ad eandem intentionem communicabunt in Missa votiva solemniter decantanda de Spiritu S., immediate post primam. In hunc finem concedimus omnibus religiosis liberam electionem Confessarii, Patribus vero Confessariis impertimur licentiam absolvendi a casibus reservatis pro hac sola vice. Ut autem velociori passu praesentes litterae nostrae perveniunt ad notitiam singulorum huius Inclitae Congregationis alumnorum, et conventuum, obligamus Superiores Locales uut praesentes convocatorias, quam primum receperint, easdem in plena communitate lectas, et protocollis ingrossatas, illico ad viciniorem conventum juxta ordinem cursoriae a foris annotatae per certum emissarium transmittant. Valete in Domino Patres et Fratres Visceribus Amantissimi, gaudete et perfecti estote. Exhortamini ad omne bonum, optime sapite, in Domino pacem habete, ut Deus Pacis et Dilectionis sit vobiscum. Divinam Majestatem exorate pro felice statu S. Romanae Ecclesiae, concordia et pace Principum Christianorum, salute et conservatione Summi Pontificis, nec non pro me Servo Vestro. Datum in Conventu Nostro Corabieviensi die 26 Maii anno 1754. L. S. Fr Antonius Kociński Reformatorum Commissarius et Visitator Generalis mpp. Orinationes Capitulares Puncta Capitularia [Prot.Ras.73] Puncta Capituli in Conventu Korabioviensi celebrati sub Praesidentia Adm. Reverendi Patris Antonii Kociński Ordinis Minorum S. P. Francisci Immediati Exprovincialis Majoris Poloniae Commissarii ac Visitatoris Generalis die 30 mensis Iunii Anno Domini 1754. Puncta Capitularia [Prot.Kor.Sydry40] Puncta Capitularia in Conventu Korabieviensi sancita sub praesidentia A. R. P. Antonii Kociński Ordinis Minorum S. P. Francisci Reformatorum Immediati Exprovincialis Majoris Poloniae Commissarii ac Visitatoris Generalis die 30 mensis Iunii Anno Domini 1754.
RkJQdWJsaXNoZXIy MjI2Mw==