-251superius specificato S. C. celebrandi Capitulum Inclitae vestrae Congregationis Polono-Marianae ex matura deliberatione determinamus, et assignamus anno currente 1754 diem 30 mensis Iunii in Conventu nostro Corabieviensi, ad quod Capitulum tenore [74] praesentium, cum merito salutaris oboedientiae invitamus Adm. Reverendos Reverendos, Multum Venerandos Patres Vocales, nempe: Adm. Reverendum Patrem Cajetanum Wetycki Praepositum Generalem, Reverendos Patres Assistentes, nec non Reverendos et Multum Venerandos Patres Praesidentes, uti de jure electores, praeter hos nullos alios uti Decreta sonant Summorum Pontificum pro omnibus religiosorum ordinibus. Adm. Rev. Patrem Praepositum Generalem et Reverendos PP. Assistentes, tanquam primarios ex concernentibus Statum Consiliarios invito pro die 27 de mane, jam vero Reverendos et Multum Venerandos Patres Praesidentes pro die 28 praenominati mensis pariter de mane, ut compareant in loco capitulari; quod si quis praefatorum comparere neglexerit, vel renuerit, aut non poterit, non obstante cuiuscunque et undecunque proveniente absentia ad consuetas electiones, aliasque actiones capitulares juxta probatam religionum consuetudinem procedam easque ut canonice celebratas auctoritate qua polleo confirmabo, ac si omnes praesentes fuissent. Praemonemus Patres Superiores Locales ad Capitulum egressuros ne sub ullo praetextu praesumant spoliare conventus, aut ex illis quidquam accipere, nisi cum consensu Discretorum conventus; iidem Superiores ferant secum regestra perceptarum et expensarum eleemosynarum, nec non debitorum, tam activorum quam passivorum ac missarum celebratarum et celebrandarum numerum, quas si celebrarunt Sacerdotes omnibus diebus obligatis, ad intentionem suorum Superiorum a praeterito immediato congressu usque ad modernum Capitulum, quod punctum singuli Sacerdotes subscribant cum juramento Sacerdotali, uti obligat omnes religiosos Constitutio Innocentii XII, quae incipit Nuper sub Datum 10 Calendas Ianuarii anno 1697. In qua constitutione praecipitur omnibus Superioribus Localibus praeter dictam attestationem juratam ab omnibus Sacerdotibus, et subscriptam, an etiam ipsi Superiores omnibus tum perpetuis tum manualibus missarum oneribus satisfecerint, sin secus nec admittantur ad suffragandum, nec vocem passivam habeant, ita rigor praefatae Constitutionis. Patres Vicepraesidentes post abscessum Superiorum Vocalium Superiores respective in suis conventibus instituam in visitatione, qui digni inventi fuerint. Quos ab omnibus ad instituti et legum tenorem revereri praecipio. Cavebunt autem hi subdelegandi Superiores eleemosynas conventum in vanas necessitates [75] erogare. Immo, et de remanente, et quae sub eorum regimine aliqua eleemosyna advenerit futuri Praesidenti rationem reddituri. Ne igitur quis audeat quocunque praetextu aut colore excogitato adire conventum capitularem denego sub poena apostasiae, nisi sit actu vocalis, aut a nobis licentiam in scriptis obtinuerit, praecludendo in hoc inutilibus divagationibus viam.
RkJQdWJsaXNoZXIy MjI2Mw==